Popular Bible Verses from Romabi 8

Share

Se wa le kaa, nihi tsuo mi ɔ, Mawu yeɔ buaa nihi nɛ suɔ lɛ ɔ konɛ e hi ha mɛ, mɛ ninɛmɛ nɛ a tsɛ mɛ ngɛ e yi mi tomi nya a.

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli jio, he wamihi jio, nihi nɛ ngɛ nɛ ɔmɛ jio, nihi nɛ maa ba amɛ jio, hiɔwe jio, sisi jio, aloo nihi nɛ a bɔ ɔmɛ a mi nɔ́ kpa ko jio, a be nyɛe ma gba waa kɛ Mawu suɔmi nɛ ngɛ Kristo Yesu, wa Nyɔmtsɛ ɔ, mi ɔ mi.

Ja nɔuu Mumi ɔ hu yeɔ buaa wa gbedemi ɔ; ejakaa bɔ nɛ sa kaa wa ko sɔle kɛ bi nɔ nɛ da a, wa li; se Mumi ɔ nitsɛ kɛ kɔmɔ yemi nɛ a be nyɛe maa kale daa mi haa wɔ.

Lɛɛ kɛ wa ma de kɛɛ ngɛ ni nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Ejakaa he lo juɛmi ɔ lɛɛ gbenɔ ʼi, se mumi juɛmi ɔ, wami kɛ he jɔmi ʼi.

Se kɛ̃ ɔ, enɛ ɔmɛ kulaa mi ɔ, wa guu nɔ nɛ suɔ wɔ ɔ nɔ yeɔ kunimi babauu.

Ejakaa i susuu kaa mwɔnɛ mwɔnɛ amanehlu nɛ ɔmɛ kɛ nyami nɛ hwɔɔ se a ma je kpo ha wɔ ɔ sɔɛ.

Mɛnɔ ma gba waa kɛ Kristo suɔmi ɔ mi? Amanehlu loo tsui pomi loo yi wami loo hwɔ loo he gu nyɛɛmi loo he gbeye womi loo klaate?

Se Mawu nɛ hlaa tsuihi a mi ɔ le nɔ́ nɛ ji Mumi ɔ juɛmi ɔ, ejakaa e daa mi haa ni klɔuklɔu ɔmɛ bɔ nɛ sa Mawu hɛ mi.

Ejakaa nihi abɔ nɛ Mawu Mumi ɔ kpakaa mɛ ɔ, mɛ ji Mawu bimɛ.

Ejakaa nihi nɛ hii si ngɛ he lo nya a, he lo nihi a he a susuu, se nihi nɛ hii si ngɛ mumi nya a susuu mumi mi nihi a he.

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?

Mawu Mumi ɔ nitsɛ kɛ wa mumi ɔ yeɔ odase kaa Mawu bimɛ ji wɔ. Nɛ ke bimɛ ji wɔ ɔ, lɛɛ we ni yeli hu ji wɔ, Mawu we ni yeli kɛ Kristo nyɛmimɛ we ni yeli, ke e ngɛ mi kaa waa kɛ lɛ naa amanehlu ɔ, konɛ a wo waa kɛ lɛ hɛ mi nyami hulɔ.

Ejakaa he lo juɛmi ɔ Mawu nyɛmi ʼi, ejakaa e bɛ e he si ha we Mawu mlaa a, nɛ pohu e be nyɛe tete.

Ejakaa adebɔ ni ɔmɛ a blɔ hyemi kpikpimaa a ngɛ Mawu bimɛ ɔmɛ wa kpo jemi ɔ mlɛe.

Ejakaa wa le kaa adebɔ ni ɔmɛ tsuo kɛ wɔ ngɛ kɛmɛe nɛ a kɛ wɔ ngɛ kɔɔe kɛ ba su mwɔnɛ mwɔnɛ.