Popular Bible Verses from Bɔfo 2

Share

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Nɛ a hɛɛ bɔfo ɔmɛ a tsɔɔmi ɔ kɛ huɛ bɔmi ɔ kɛ abolo mi kumi ɔ kɛ sɔlemi kɛ pɛɛ kpami ɔmɛ a mi.

Nɛ Mumi Klɔuklɔu ba hyi mɛ tsuo kulaa tɔtɔɔtɔ, nɛ a bɔni gbi slɔɔto slɔɔtohi tumi, kaa bɔ nɛ Mumi ɔ ngɔ wo a nya a.

Nɛ si kake ɔ, pɛmi ko nɛ ngɛ kaa kɔɔhiɔ nɛ nya wa ko je hiɔwe ba, nɛ e ba hyi we he nɛ a hii si ngɛ ɔ tɔtɔɔtɔ. Nɛ ni kome nɛ a gba mi nɛ ngɛ kaa la lilɛhi pue; nɛ a ba ma a yi kpɛti kakaaka. Nɛ Mumi Klɔuklɔu ba hyi mɛ tsuo kulaa tɔtɔɔtɔ, nɛ a bɔni gbi slɔɔto slɔɔtohi tumi, kaa bɔ nɛ Mumi ɔ ngɔ wo a nya a.

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni, nɛ a jeɔ Mawu yi, nɛ a hɛ mi ba nyami ngɛ ma mluku ɔ kulaa hɛ mi. Nɛ Nyɔmtsɛ ɔ ngɔɔ nihi nɛ a he a yi wami ɔ ngɔ piɛɛ asafo ɔ he daa ligbi.

(Mawu ke:) ‘Nɛ e maa ba mi ngɛ nyagbe ligbi ɔmɛ a nɔ, Kaa ma nɛ ye mumi ɔ ngɔ pue he lo kulaa nɔ, Nɛ nyɛ bimɛ nyumu ɔmɛ kɛ nyɛ bimɛ yi ɔmɛ maa gba, Nɛ nyɛ nihewi ɔmɛ maa na ninamihi, Nɛ nyɛ nikɔtɔma a mɛ maa nla nlamihi

Nɛ nihi nɛ he ye ɔ kulaa ngɛ he kake, nɛ a pee a nihi tsuo kulaa kake. Nɛ a jua a zugba amɛ kɛ a he ni ɔmɛ, nɛ a dla ngɔ ha ni ɔmɛ tsuo bɔ nɛ he hia nɔ tsuaa nɔ.

Nɛ e maa ba mi kaa nɔ tsuaa nɔ nɛ ma kpa ngmlaa kɛ tsɛ Nyɔmtsɛ ɔ biɛ ɔ, a ma he e yi wami.’

Pu maa tsɔ diblii Nɛ nyɔhiɔ ma plɛ muɔ Loko Nyɔmtsɛ ɔ ligbi ngua nɛ ngɛ nyami ɔ maa ba