Popular Bible Verses from I Ахия 4

Share

Сюймекликде къоркъуу жокъду, алай а толу сюймеклик къоркъууну къыстайды. Нек десегиз къоркъууда азап барды; къоркъгъан адам сюймекликден жетишимли тюйюлдю.

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

Биз сюебиз, нек десегиз Аллах бизни алгъа сюйгенди.

Сюйюлюннгенле! Бир-бирибизни сюейик; нек десегиз сюймеклик Аллахданды, сюймеклиги болгъан хар адам Аллахдан туугъанды эм Аллахны таныйды.

Сюймеген адам, Аллахны танымайды, нек десегиз Аллах сюймекликди.

Аллахны биз сюймегенбиз, алай а бизни Ол сюйгенди эм бизни гюняхларыбызны кечдирген къурманнга Кесини Уланын ийгенди; сюймеклиг’а ма олду.

Сюйюлюннгенле! Аллах бизни алай сюйген эсе, сора биз да бир-бирибизни сюерге керекбиз.

Аллах бу дуниягъа Кесини жангыз Уланын, биз Аны юсю бла жашау алыр ючюн ийгени бла, Аллахны сюймеклиги бизге ачылгъанды.

«Мен Аллахны сюеме», – деп кесини къарындашын а кёрюп болмагъан адам ётюрюкчюдю. Нек десегиз кесини кёре тургъан къарындашын сюймеген ол кеси кёрмеген Аллахны уа къалай сюяллыкъды?

Исса Аллахны Уланы болгъанын ким ачыкъ къабыл этсе, Аллах ол адамда, ол да Аллахда жашайды.

«Аллахны сюйген кесини къарындашын да сюйсюн» деген фарызны биз Масихден алгъанбыз.

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла. Аллахны Нюрюн былай билигиз: адам чархы бла келген Масих Иссаны ачыкъ къабыл этген нюр Аллахданды.

Чархы бла келген Масих Иссаны ачыкъ къабыл этмеген нюр а Аллахдан тюйюлдю, алай а ол Масиххе къаршчыны нюрюдю. Сиз аны келлигин эшитгенсиз, ол а энди бу дуниядады.