Popular Bible Verses from ROMANOS 15

Share

Emenyék ko'o eyáncheseshok kéxegke ekpayheykekxa kélwáxok Dios, tén han etnésesek meyke ektahakxa kélwáxok kélteme nak megkólya'áseyam ma'a, tén han etnésesek ekmámnaksoho agko' megkólya'áseyam yakwánxa etnésesek Dios kélmonye, eñama Espíritu Santo apmopwána, cham'a Dios segmésamol'a cha'a nelhaxneykha.

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

Emenyék ko'o epasmok kéxegke Dios yakwayam kóltehek ekhémo mók kélwáxok, cham'a Dios segmésamol'a magyenseyam, tén han ekpayheykekxa egwáxok, ekhawo m'a aptémakxa nak Cristo Jesús, yakwayam enxoho kaxhok mók nenteméseso apcheymákpoho Dios negyókxoho nak, cham'a Jesucristo Wese' egegkok Apyap.

Kólahapmakha cha'a kélmók, ekhawo ektahakxa axta apkelápeykha kéxegke Cristo yakwayam enxoho kóltemésesek apcheymákpoho Dios.

Negyókxoho negko'o kéméxchek ampeykesásekxak apwáxok egmók, tén han ampasmok, yakwayam enxoho agyanchesesagkohok apteme mey'áseyam.