Popular Bible Verses from ROMANOS 11

Share

Hakte ekyókxoho aksok keleñamak ma'a Dios, Dios nahan keñamak elánteyapma xa, yakwayam enxoho nahan kaltemésesek apcheymákpoho. ¡Apcheymákpoho sat cha'a kóltemésesek Dios! ¡Katnahagkok sat!

¡Xámok agko' aksok eltakmela eleñama nak Dios, magwanchek agya'asagkohok ekwánxa, tén han ma'a ektémakxa nak apya'áseykegkoho, cham'a ektémakxa nak han ekha apyekpelchémo, méko kawának kaxének ektémakxa enxoho aksok apmáheyo elának, méko nahan keykpelkohok apmáheyókxa nak etnehek!

“¿Yaksak awanchek keykpelkohok ektémakxa nak ekpakmeteykha apwáxok Wese' egegkok?, ¿Yaksak nahan kawának kay'ásesagkohok Dios?

Hawók nahan ektahakxa kaxwo' nak, apkantawók apkeleymomap ma'a énxet'ák Israel, Dios axta apkelyéseykha eñama apkelásekhayo. Dios apkelásekhayo agkok keñamak ektéma xa, háwe kaxwo' eñama m'a ektémakxa axta aksok apkeláneyak; apkeláneyak aksok axta agkok keñamak ektéma xa, megkatnehek axta Dios segásekhayo m'a ektémakxa nak segásekhayo.

Nápakha énxet'ák judíos axta kélyakténak ektémol'a kólyaktének yámet ekweseyl'a olivo, keñe axta kélyepetchesa exchep ma'a kélyakténakxa axta, xép aptaha axta aphawo m'a yámet olivo émhal'a naxma. Cháxa ektahakxa axta apyepetcha'a exchep egkepmenák ma'a ektémakxal'a yámet olivo. Wánxa agkok, mopwanchek xép keyxkohok appeywa ewanyaha m'a yámet aktegák ekteyapma agko' nak. Aptemék agkok xép xa, kaxén apwáxok metnaha exchep apméyak ma'a yámet egkepmenák nak, yámet egkepmenák akke ekméyak xép.