Popular Bible Verses from APOCALIPSIS 18

Share

Ekleg'ak axta nahan ko'o kélpeywa eñama néten. Entahak axta amya'a s'e: “Kólántep kéxegke xa nepyeseksa tegma apwányam nak, kéltaha nak énxet'ák ahagkok, yakwayam enxoho megkólwéhenekxók apkeltémakxa nak melya'asáxma xa énxet'ák nak, yakwayam enxoho nahan megkawakxók kéxegke m'a ektémakxa nak kéllegasáseykegkoho ekmaso

Aptahak axta apyennaktésawo appeywa s'e: “¡Apteyekmek, apteyekmek tegma apwányam Babilonia! ¡Kelyekhama' ekheykegkaxa tamhákxa', tén han ektamhákxo elleykegkaxa m'a ekyókxoho ektémakxa nak espíritu elmasagcha'a, náta elmasagcha'a axanák nahan tamhákxa' tén han ma'a ekyókxoho ektémakxa nak aksok nawha'ák elmasagcha'a tén han ma'a ekmanyása nak!