Popular Bible Verses from APOCALIPSIS 16

Share

“Kóllano hana, exyekmek ko'o mehelháxanmakxoho ekhawo aptémakxal'a apmenyexma. Apkeleñémo agko' énxet ektaha nak apkelhaxneykha, tén han ma'a apkeláneykekxa nak apkelnakta yakwayam elántaxnekxa', yakwayam enxoho nahan metyesha meyke apáwa tén han megkataxchek ma'a segmegkasamo nak.”

Seis axta apwokmok Dios apchásenneykha, apyegkenchek axta aksok kañe' wátsam ekwesey Éufrates, keñe axta ekyamaka m'a wátsam nak, yakwayam enxoho elyeykhak kelwese'e apkeleñama ekteyapmakxa ekhem.

kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

Ekwet'ak axta ko'o ektepa aksok ekmaso ekhó napnekteg átog yéwa ekwányam, axta anhan ekwet'ak ektepa átog ma'a aksok nawhak eklo, axta anhan ekwet'ak ektepa apátog ma'a seykha amya'a apmopwána amya'a nak. Antanxo axta ekyókxoho xa aksok elmasagcha'a ekhó nak napnekteg.

Apsawhekpók axta énxet'ák élmeta apyempe'ék, wánxa agkok, axta eyke kalya'aweykxak apwáxók ma'a Dios, axta anhan elpeykásawók Dios. Kenmexáha axta aksa cha'a apkelpeywa Dios aptaha neykhe apmopwána emagkok xa aksok elmasagcha'a nak.

Apxegkek axta apmonye xama Dios apchásenneykha, apyegkenchek axta nahan sẽllegasáseykegkoho keso náxop. Tekkek axta anhan taskapma ekmáske agko' apyempe'ék apyókxoho m'a énxet ekyetna axta aksok nawhak eklo elkahaso, tén han ma'a apkelpeykesamo axta cha'a kéleykmáseso kélheyáseykegkoho nak.

Chanchesákxeyk axta kelyekhama' kelwese'e m'a yókxexma apkeltémakxa nak énxet'ák hebreos Armagedón.