Popular Bible Verses from APOCALIPSIS 11

Share

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”

Yeyk'ak axta xa antanxo ekhem náxet mók nak, apnakxetekhásekmek axta Dios xa énxet'ák nak, apchaknákxeyk axta nahan néten, apkelakak agko' axta nahan ma'a ektaha axta apkelweté.

Cháxa énxet'ák ektaha nak ekmámnaksoho apkelxeyenma amya'a ahagkok xa, yetneyk apmopwancha'a yápekxak ma'a néten, yakwayam enxoho megkamakye' neyseksók apkellegaso amya'a eñama nak Dios, yetneyk nahan apmopwancha'a etnesásekxak yegmen éma, yetneyk nahan apmopwancha'a ellegásesagkohok apyókxoho énxet'ák keso náxop ekyókxoho ektémakxa nak nenlegeykegkoho ekmaso, cham'a apkepmenyéxa enxoho etnahagkok.

Cháxa apkánet ektaha nak ekmámnaksoho apkelxeyenma amya'a ahagkok apyetchesamakpoho m'a ánet yenta'a ekwesey nak olivo, tén han apyetchesamakpoho m'a ánet chálewaso ekhágko nak nápakto' Wese' apwányam apmámnaksoho nak keso náxop. Apkelenxanakmek agkok cha'a apmoko enaktawasha xama énxet xa apkánet nak, táxa cha'a etekkesek apatña'ák, esawhohok nahan cha'a elwatnek ma'a apyókxoho ektaha nak apkelenmexma; sat katnehek nahan apkeletsapma m'a ektaha nak apmáheyo enaktawasagkohok xa énxet'ák nak.