Popular Bible Verses from APOCALIPSIS 10

Share

apwokmek sat agkok siete appawaso apchakkahaso m'a Dios apchásenneykha nak, keñe sat kasawhaxkohok katnehek ma'a ektémakxa nak apmopmenyého elának Dios ektaha nak ekpowásamáxkoho, ekhawo ektémakxa axta aplegaso Dios ma'a énxet'ák ektaha axta apkellegaso appeywa.”

Keñe axta ektaha amya'a seyáneyáxko s'e: “Eltennaha sat makham ma'a aptémakxa nak apxeyenma Dios apyókxoho énxet'ák, cham'a pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a kelwese'e apkelwányam nak.”

Ekwet'ak axta ko'o pók Dios apchásenneykha ekha apyennakte, apweywentek axta apkeñama néten, neyseksa yaphopé axta apkexyekmok, pemhet axta eyke apyetnak néten apyetseksek, kelyenmawok axta m'a nápát ektémol'a ekhem elyenma, keñe axta apyay'ák ekhawo m'a táxa elakneyak la'a elálewe.

Ekyo'ókmek axta ko'o apkenmágkaxa xa Dios apchásenneykha nak, eltamhok axta hegkések xa weykcha'áhak étkok nak. Aptahak axta seyátegmowágko s'e: “Ema, etaw. Máxa sat katnehek aksok ekmátsa apátog ektémol'a yanyawhéna apyegmenek, wánxa agkok, askehek sat eyke katnekxak apwáxok.” Ekmeyk axta ko'o xa weykcha'áhak étkok apmeyncha'a axta Dios apchásenneykha, ektókek axta anhan; máxa axta aksok ekmátsa entahak ahátog ektémol'a yanyawhéna apyegmenek, xama axta eyke seksawha sekto xa, askehek axta entahak ewáxok.