Popular Bible Verses from FILIPENSES 1

Share

Nakso' ektemesásak ko'o peya esawhohok aptamheykha Dios, cham'a apchénawo axta apkelana aptamheykha ektakmela kélnepyeseksa kéxegke, ekwokmoho m'a ekhem apkexyekmo sat makham Jesucristo.

Ektemék cha'a ko'o nempeywa nelmaxnagko seltamho kayágwomhok kélásekhamaxkoho kéxegke, tén han keytek ekyawe agko' kélya'ásegwayam tén han kélyekpelchágwayam ekxámokxoho aksok, yakwayam enxoho kólewának kólyésha kéxegke m'a aksok ektakmela nak. Keñe sat kólewának kóltehek eyáxñeyo kéltémakxa, méko sat xama kélxéncháseykekxoho kéltémakxa, cham'a apkexyekmo sat Cristo.

Cristo ko'o yakwayam altemésesek apcheymákpoho s'e sekha nak makham, keñe sat katyapok aksok eltakmela m'a sétsapa enxoho.

Ekmések cha'a ko'o ekxeyenma ewáxok Dios ahagkok, cham'a ekxeyenwákxoho enxoho cha'a ewáxok kéxegke.

Kóllenxánem aksa kóltehek kéltémakxa m'a ektémakxa nak ekpeywa tásek amya'a eñama nak Cristo. Emenyék ko'o axkágwatak amya'a ektémakxa kéllenxáneykmoho kéxegke kélwaskapma tén han meyke kélexpanchásamáxche. Emenyék nahan axkágwatak amya'a ektémakxa kélpasmomáxkoho kéxegke kéllenxáneykmoho kélyancháseykekxa m'a ektémakxa nak magya'áseyam eñama nak tásek amya'a, megkeyxek ma'a sekteyánegwákxoho enxoho kéxegke esenhan ma'a matyánegwákxoho enxoho.

Awanhek ko'o sekmámenyého megyohok Dios amok sekmegkakto wánxa agkok, ewanchek sat eyke ko'o altennaha apwesey yetlo meyke ektamheykha ewáxok nápakta'awo' ma'a apxámokxoho énxet'ák nak. Ko'o sat makham kañék ekwetamaxche cha'a m'a ektémakxa nak ekyawe apmopwána Cristo, ekhawo m'a sektémakxa axta cha'a, megkeyxek ma'a sétsapa enxoho, esenhan ma'a magwatsapa enxoho.

Cristo keñamak kélxawáya kéxegke yakwayam kóltehek megkólya'áseyam, tén han kóllegagkohok xamo' ma'a Cristo.