Popular Bible Verses from EFESIOS 6

Share

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

Nágkólyensem kéxegke kélteme nempeywa nelmaxnagko: kólmaxna cha'a Dios yetlo appékesáseyak Espíritu. Kóleyxmakha cha'a kéxegke, meyke elleklágwayam, kólmaxnéses nahan cha'a m'a apyókxoho énxet'ák ektaha nak Dios énxet'ák apagkok.

Kólahakkasaxkoho kélagko' cha'a m'a ekyókxoho kélmeykha ektaha axta Dios apkelmeyáseyak kéxegke, yakwayam enxoho kólewának kólenmexek ma'a sẽlyexancháseykha nak kelyekhama'.

Ekeso eñamakxa eyéméxko nak kólahakkasaxkohok kélagko' kéxegke m'a kélahakkásamáxche ektaha nak apkelmeyáseyak Dios, yakwayam enxoho kólewának kólenmaxaxkohok ma'a eyahapwa'a enxoho kéxegke aksok ekmaso xama ekhem, kóltehek sat kéxegke ekha kélyennakte, cham'a kélpenchásawo enxoho kélláneykekxa kéltahakxa.

Kólteme nahan kélahakkásamáxche m'a megkólya'áseyam nak, yakwayam enxoho kólewának kólsapanchesesek ekyókxoho kelyekhama' yágke agkok elálewomo nak. Kólma kéxegke nelwagkásamáxche teyp ektémol'a sẽlpextétamo apketcheso apkátek, yakwayam kólahakkasek kélpátek, kólma nahan kéxegke Dios appeywa ektémol'a agmaha sókwenakte, ektaha nak apméso kéxegke m'a Espíritu Santo.

Kólteme ekha kélyennakte, yetlo kélahakkásamáxche m'a amya'a ekmámnaksoho nak ektémol'a nenteté nenxet. kólahakkasaxche kéxegke m'a nentémakxa ekpéwomo nak ektémol'a sẽlpextétamo apchahakkaso apnenyek. Kólpenaksoho kélatcháseykekxa kélatcheso kélmagkok, yakwayam enxoho kólxog kólsawha tásek amya'a segmésamo nak meyke ektahakxa egwáxok.

Elyáxeg eltamhok ko'o kóltehek kaxwo' ekha kélyennakte neyseksók kélyepetcheyo Wese' egegkok, eñama m'a ektémakxa nak ekyawe agko' apmopwána.

Emha amonye nelánémaxchexa antehek kélyepetchesama nak sempekkencháseykekxa axta appeywa Dios se'e: “Kólyahakxoho kélyepmeyk tén han ma'a kélchána, yakwayam enxoho katakmelhok kélha, keñe anhan kawegkohok kélha keso náxop.”

Kélketchek, kólyahakxoho cha'a kélyepmeyk eñama kélásekhayo m'a Wese' egegkok, hakte payhawók kóltehek xa.