Popular Bible Verses from SANTIAGO 1

Share

Elyáxeg kéméxchek kéxegke kalpayhekxak agko' kélwáxok kélwet'a enxoho ekyekkóna m'a ekyókxoho ektémakxa nak segyekkónma. Kélya'ásegkok kéxegke m'a ekyekkónamaxko enxoho ekwánxa nak kélteme megkólya'áseyam, kaltámeyagkok kélenmáxamáxkoho yetlo kélwaskápeykekxoho m'a kéllegeykegkoho nak.

Yetneyk agkok kélxama kéxegke ekmasextoho nak apya'ásegwayam, kólmaxnéses Dios, Dios sat egkések ma'a apya'ásegwayam eyéméxchexa nak, hakte hegméshok cha'a Dios nenxámokxoho xa negya'ásegwayam nak meyke apmeyagweykekxa, mehenxénchásekxók nahan cha'a nentémakxa.

Elyáxeg selásekhayo, kaxén kélwáxok se'e: kéméxchek kólpencheshok kélláneykekxa kéltahakxa kélyókxoho kéxegke yakwayam kóleyxho amya'a; wánxa agkok kéméxchek eyke kóltehek kéxegke megkólpekhéso kólpakmétek, tén han kóltehek megkólpekhéso kóllók.

Kóllenxánem katnésesek kélpéwomo m'a ektémakxa nak kélwaskápeykekxoho, yakwayam enxoho kóltehek kéxegke ekyennakwayam agko' kélteme megkólya'áseyam, méko katnehek ma'a eyéméxchexa enxoho xama aksok.

Kóllána cha'a m'a ektémakxa nak amya'a kéllegaso, nágkólteme kélháxenmo aksa, hakte megkólakhémo kélagko' kóltehek kéxegke kéltahakxa, kéltaha enxoho kélháxenmo aksa.

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.

Ekyókxoho aksok eltakmela tén han ma'a elpéwomo nenxawáya nak negko'o keleñamak ma'a néten, keleñamak ma'a aphamakxa nak Dios aptaha axta apkelané ekyókxoho aksok elsasóxma nak ma'a néten, meyakmagkasemek aptémakxa nak Dios, megkaxnawok ma'a ektémakxal'a ekyakmagkáseyak ekyetnamakxa pesese.

Negko'o ektahakxa enxoho negháxenmo aksa amya'a sẽllegaso, keñe manlanyek ma'a ektahakxa enxoho amya'a sẽllegaso, máxa antehek ma'a énxet apkelanyol'a nápát nelanyantáxama: étak ma'a ektémakxa nápát, keñe m'a appeynchákpo enxoho kalwagkámak ektémakxa nápát.

Ekmámnaksoho nelpeykesamo Dios, tén han meyke elenchahamaxche nentémakxa nápakto' Dios Egyap ekteme s'e: Nempasmo ektaha nak elyéheykha, tén han nempasmo m'a ektémakxa nak ellegeykegkoho tampé', tén han ma'a móghayo nak hegyepetchegwomhok ektémakxa nak keso náxop.

Xénchek agkok apwáxok enxama apmoko elának aksok ekmaso, nágkaxén aksa apwáxok eñama Dios ma'a ektémakxa nak ekyekkónma, hakte yawanchek keykkónek Dios ma'a nentémakxa ekmaso nak, megkaxének nahan apwáxok Dios yának elának aksok ekmaso énxet. Egyekkónchek cha'a negko'o eñama m'a negmamenyého nak anlának aksok ekmaso, ektaha nak ekma cha'a egwáxok, ektaha nak han segyentameykekxa cha'a.

Egyáxeg apteme enxoho meyke aksok apagkok, kéméxchek kapayhekxak aksa apwáxok ma'a aptemésesa enxoho Dios néten nepyeseksa apnámokkok