Popular Bible Verses from HEBREOS 10

Share

Magyensemek hana nentaxnegweykekxa m'a negakneykekxexa nak, mantehek ma'a aptamheykegkaxa nak nápakha énxet'ák melántaxnegweykekxa nak cha'a, wánxa agkok, tásek ólyáteyaxkohok negko'o hakte negwet'ak eyágketwokmo apweyktamxa Wese' egegkok.

Antegyaha hana ektémakxa yakwánxa antehek ólpasmaxkohok negko'o, yakwayam enxoho kayágwomhok ekyetna negko'o nelásekhamaxkoho, tén han kayágwomhok nenlané m'a aksok eltakmela nak.

Olwaskápekxohok hana neyseksa ektémakxa nak nelhaxneykha meyke negya'áseyam xama enxoho, cham'a magya'áseyam nenxeyenma nak ekyetna negko'o, hakte elának sat Dios ma'a ektémakxa axta sempekkencháseykekxa appeywa.

Kéméxchek kéxegke kólwaskápekxohok neyseksa kéllegeykegkoho, yakwayam enxoho kóllának ma'a ektaha nak Dios apmopmenyého, yakwayam enxoho nahan kólxawak ma'a apxeyenma axta egkések kéxegke Dios.

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

Nágkólyensem aksa m'a ektémakxa nak megkólya'áseyam kéxegke, hakte sat kañék ekméso kéxegke aksok kélxawé naksa xa, ektaha nak ektakmela agko'.

Nenlenxanakmók agkok negmáheyo anlának mólya'asáxma natámen negya'ásegwayam enxoho m'a amya'a ekmámnaksoho nak, kamaskok ekyetna m'a yakwayam nak kamaseksek mólya'asáxma wánxa aksa henleyxek ma'a sẽlyekpelchásesamo ekmaso agko' nak, tén han ma'a táxa ekmexanma peya nak kamasésók apyókxoho ektaha nak apkelenmexma Dios.