Popular Bible Verses from HEBREOS 1

Share

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

Xámok axta ektémakxa apkelpakhetcheso Dios ẽlyepmeyk nano', cham'a nano' axta, eñama apkeltenneykha m'a énxet'ák apkellegaso axta Dios appeywa. Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

Hakte apyókxoho Dios apkelásenneykha apteme apkeleñamakxa apagko' ma'a néten, yakwayam enxoho elyahakxohok Dios, kóláphaksohok nahan cha'a yakwayam epasmok ma'a énxet'ák ektaha nak kélpagkancheso yakwayam elwagkasakpok teyp.

Aptahak axta nahan appeywa Dios se'e: “Xép Wese' ahagkok, xép axta apkelané xóp sekxo' agko'; xép axta anhan apkelané néten. Kalmassegwok sat eyke ekyókxoho xa, wánxa agkok, memassegwomek eyke cha'a exchep. Apák sat nahan katnahagkok ekyókxoho xa ektémol'a apáwa etnehek aphápak