Popular Bible Verses from 2 CORINTIOS 4

Share

Megkaxénáha cha'a negko'o egwáxok ma'a aksok negwetayo nak, wánxa m'a aksok magwetayo nak. Hakte ñohok cha'a kamaskok ma'a aksok negwetayo nak, wánxa agkok, megkamassegwomek sat eyke m'a aksok magwetayo nak.

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem. Kexyókók ektémakxa nak cha'a nenlegeykegkoho, ñohok nahan cha'a kamaskok. Wánxa agkok, hegmések sat eyke negeymáxkoho megkatnegwayam enéxa nápakto' Dios xa ektaha nak ekyawe agko', megkaxnawok ma'a nenlegeykegkoho nak.

Awanhek eykhe ekyentaxnamo negheykha, akke hegyakhápak negko'o, yetneyk nahan negko'o ekyetnakhayo egwáxok, wánxa agkok nelenmáxexkók eyke. Ẽlmenxeneykha eykhe cha'a negko'o, akke hegyamasmak Dios; awanhek negko'o senlegasáseykegkoho, akke hẽlmaseseykmok.

Cháxa aksok ekmomnáwa ekyetna nak negyókxa xa, ektaha nak ekhawo m'a yátegwáxa apkelánamapla'a yelpa', yakwayam enxoho kataxchek ektaha eñama Dios xa negmowána ekyawe nak, háwe eñama negko'o egagko'.

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.