Popular Bible Verses from 1 SAN JUAN 5

Share

Magya'ásekmok negko'o Dios, hakte negya'ásegkok negko'o megkatnehek megyaháxenmo Dios aksok nelmaxnagko, cham'a eyakhawo enxoho nelmaxnagko ektahakxa apmopmenyého.

Negya'ásegkok ekyetna negko'o m'a aksok nelmaxnagko axta Dios, ekhawo ektémakxa nak han negya'áseyak negko'o apháxenmo cha'a Dios ma'a nempeywa nelmaxnagko egagkok nak.

Cha'a negásekhayo Dios ma'a nelyaheykekxoho nak apkeltémókxa antehek; kexyókok ma'a apkeltémókxa nak antehek Dios. Negyókxoho nenteme nak Dios apketchek, agmalánek ektémakxa nak keso náxop. Magya'áseyam nahan keñamak negmalanma negko'o ektémakxa nak keso náxop.

Negko'o ektahakxa enxoho negyepetcheyo Dios Apketche, keytek negko'oxa xa ekyennakte egnenyek nak; keñe ma'a énxet mépetcheyo nak Dios Apketche, megkeytek xa ekyennakte egnenyek nak.

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.

Negya'ásegkok eyke negko'o énxet apteme nak Apyap ma'a Dios melanyek mólya'asáxma, hakte Dios Apketche etakmelchesek, megkatnésesamok nahan exma kelyekhama'.