Popular Bible Verses from 1 CORINTIOS 2

Share

Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

Enxet meyke nak apwáxok Espíritu megkamhek apwáxok aksok eleñama nak ma'a Espíritu apkeñama nak Dios, hakte ekyéháxma yána'. Mopwanchek nahan ey'ásegwomho', hakte Espíritu aksa cha'a etnehek apyekpelchémo xa.

Cháxa segya'asásegwokmo axta Dios eñama Espíritu Santo xa, hakte Espíritu Santo apteme apsawhomo apkelanyo xa ekyókxoho nak, ekweykmoho m'a ektémakxa nak elchetamso apwáxok Dios ektaha nak ekpowásamáxkoho.

Axta negko'o anxakak espíritu apkeñama nak keso náxop, wánxa axta nenxaka m'a Espíritu apkeñama nak Dios, yakwayam enxoho agya'ásegwók ma'a aksok segméso axta Dios eñama segásekhayo.

Xama axta sekpakmeta kélnepyeseksa kéxegke, yetlókók axta seltenneykha tásek amya'a, axta amáha ko'o ektémakxa nak negmowána nempeywa yakwayam alekwomhok kéxegke. Wánxa agkok, eklekwokmók axta kéxegke eñama Espíritu Santo, tén han eñama m'a Dios apmopwána nak, yakwayam enxoho megkatnehek eñamakxa kélteme megkólya'áseyam kéxegke m'a ektémakxa nak apkelya'ásegwayam énxet, wánxa kañék ma'a Dios ekha nak apyennakte.