Popular Bible Verses from Valooma 9

Share

Pwʉ lɨno, ʉNgʉlʉve vɨ ilamula ʉkʉva nʉ lʉhʉngʉ kʉ muunu, najiiva kwɨkupila nʉ kʉnogwa kwa muunu jyʉmwene.

Manya aambʉʉlile ʉMoose akata, “Ndiiva nʉ lʉhʉngʉ kʉ muunu ʉvɨ ndɨnogilwe ʉkʉva nʉ lʉhʉngʉ, ikange ndikʉmbonela ɨkɨsa ʉmuunu ʉvɨ ndɨnogilwe ʉkʉmbonela ɨkɨsa.”

Baako! Ʉve vɨ muunu ʉlɨ veeni pakʉta ʉveetsage va kʉgelana nʉ Ngʉlʉve? Ndeeti, ɨkɨɨnu ɨkɨpelilwe kiweesa ʉkʉgelana nʉ vakɨpelile nʉ kʉvʉʉtsa kɨte, “Kɨki waammelile ʉne ndavʉle?”

Pwʉ lɨno, tsilɨ pavʉvalasu ʉkʉta ʉNgʉlʉve ikʉmbonela ʉlʉhʉngʉ ʉmuunu ʉvaveetsaga ʉvɨ ʉNgʉlʉve ikʉnʼgana, nʉ kʉmpela ʉmuunu ʉjyʉnge ave nya matingo ndʉwʉ ʉNgʉlʉve inogwa.

Jɨlweli ʉlʉmanyile, ʉmbʉmbi va sivya alɨ nʉ vʉtavʉlɨlwa wa kʉvombela ɨlidope ndʉwʉ inogwa. Iweesa ʉkʉvʉmba isivya sivɨlɨ ʉkʉhʉma ɨlidope lɨɨlyo lipamato: Ɨkɨvya kɨpamato kɨve kya mbombo jya wɨɨmɨkiwa, nɨ kɨnge kɨve kya mbombo jya vʉle vʉle.