Popular Bible Verses from Valooma 8

Share

Tʉlʉmanyile ʉkʉta, mu gooni ʉNgʉlʉve ikʉvavombela inonu avaanu avanʼganile, valya ʉwʉ avɨɨlangile ʉkʉkongana nʉ vʉsumbe wa mwene.

Ndɨlʉmanyile jɨlweli ʉkʉta nakɨkʉli ɨkɨɨnu ɨkiweesa ʉkʉnsiga ʉNgʉlʉve ʉkʉtʉgana ʉwe. ɄNgʉlʉve itsiga atʉganile ndavɨ jɨve tʉlɨ vʉʉmi evo tʉsue. Ikange nakʉli ʉnsuungʼwa, evo avanya vʉtavʉlɨlwa, evo isipeliwa syoni isinya maka, evo isiinu isivombeka ʉlʉ lɨno, evo isiliitsa kʉvʉlongolo, evo isiinu sya kʉkyanya, evo isiinu sya kʉ vʉtsʉʉka, evo isipeliwa isinge isiveetsaga isiweesa ʉkʉnsiga ʉNgʉlʉve ʉkʉtʉgana ʉwe. Ʉlʉgano ʉlwa alʉvoniitse kwawe kʉ nzɨla jya Mesiya ʉYɨɨsʉ, ʉNtwa viitu.

Paninie niitso, ʉMepo ʉMbalatse vɨ mwene ikʉtʉtanga mu kwɨlemwa kwitu, manya natʉkɨmanyili ʉkʉdoova kɨlya ɨkɨnogelanie ʉwe tʉnʼdoove ʉNgʉlʉve. Lɨno ʉMepo ʉMbalatse jyʉmwene vɨ ikʉtʉdoovela kwa Ngʉlʉve kʉ lʉkuuto ʉlʉnalutsoveka.

Lɨno, tʉte kɨki pa kulongwi tsa siinu isi? Ɨngave ʉNgʉlʉve alɨ lʉvasu lwawe, jɨlweli nakʉli ʉmuunu ʉviweesa ʉkʉtʉlema.

Pwʉ ʉkʉhʉma lɨno, ʉNgʉlʉve nalavape ʉlʉvʉngʉ valya ʉwʉ avaaganiitse nʉ Mesiya ʉYɨɨsʉ.

Ʉmuunu ʉvɨ ʉlʉhala lwa mwene lulongotsiwa nʉ vʉmuunu wa mwene wa vʉtulanongwa, ikɨpelela ʉvʉswe wa sikutsooni. Apeene, ʉmuunu ʉvilongotsiwa nʉ Mepo ʉMbalatse, alɨ nʉ wʉʉmi wa sikutsooni ikange alɨ nʉ lʉnotsehetso.

Lɨno ndajɨve aga gooni gikʉtwitsila, ʉwe tulʉtɨɨlɨlaga ʉkʉlesa, ʉlwakʉva tutangɨlwa nʉ Kɨlɨsiti ʉvɨ atʉganile.

Ʉvʉkʉvɨlwa wiitu wa nsɨkɨ ʉgʉ ndivona nakɨɨnu ʉkʉlɨngʼaania nʉ wɨɨmɨkiwa ʉwʉ ʉNgʉlʉve alatʉpa ʉnsɨkɨ ʉgʉliitsa.

Nakɨkʉli ɨkɨveetsaga ɨkiweesa ʉkʉnsiga ʉKɨlɨsiti aleke ʉkʉtʉgana ʉwe! ɄKɨlɨsiti itsiga atʉganile ndavɨ jɨve tʉlɨ mu vʉpala ʉvʉlʉti, tʉlɨ mu lʉgatatso, tʉlɨ mu vʉkʉvɨlwa, tʉlɨ mu nzala, tukwagɨlwa ɨmisabwa, tuhegelela ʉkʉjatsa ʉwʉʉmi, evo ʉkʉbudwa.

ɄNgʉlʉve ʉvatsimanyile itsilɨ mu numbula tsa vaanu, agamanyile amasaago ga Mepo ʉMbalatse va mwene. Lola, ʉMepo ʉjwa ikʉvadoovela avɨɨdɨki ndʉwʉ ʉNgʉlʉve jyʉmwene inogwa.

Vooni avilongotsiwa nʉ Mepo va Ngʉlʉve wʉ vaana va Ngʉlʉve.

Lola, avilongotsiwa nʉ vʉmuunu wa vʉtulanongwa, ʉlʉhala lwa veene lunogwa ʉkʉvomba ʉvʉtulanongwa. Lɨno, avilongotsiwa nʉ Mepo ʉMbalatse, ʉlʉhala lwa veene lunogwa ʉkʉvomba imbombo itsikʉmmovosa ʉMepo ʉMbalatse ʉjwa.

ɄNgʉlʉve naankolele ɨkɨsa ʉMwana va mwene jyʉmwene, apeene aammʉmiitse aswe kʉ nongwa tsiitu twɨ vooni. Pwʉ lɨno, ɨngave aatʉpye ʉMwana va mwene jyʉmwene, vʉvʉle vʉle alatʉpa isiinu syoni isinonu.

ɄMepo ʉjwa vɨ mwene ikwoleletsa mu numbula tsiitu ʉkʉta, ʉwe tʉlɨ vaana va Ngʉlʉve. Pwʉ, ɨngave tʉlɨ vaana va Ngʉlʉve, tʉlɨ venevʉhaale wa Ngʉlʉve, ʉwe paninie nʉ Kɨlɨsiti. Peene ɨlɨnogelanie kwawe, twɨdɨke ʉkwɨjʉmɨɨlɨtsa mu vʉkʉvɨlwa ndʉwʉ aavombile ʉKɨlɨsiti. Pwʉ apo, tʉlɨɨmɨkiwa paninie nʉ mwene.

Manya avaanu avilongotsiwa nʉ vʉmuunu wa vʉtulanongwa vikɨvɨɨka valʉgʉ va Ngʉlʉve, navikwɨdɨka napadebe ʉkʉkonga indagɨlo tsa mwene, ikange naviweesi ʉkʉtsikonga.

Lola, isipeliwa syoni sipʉlɨkɨla kʉ vʉsʉʉkwa ʉnsɨkɨ ʉgwʉ ʉNgʉlʉve alavonia avaana va mwene.

Tʉlʉmanyile ʉkʉta nakʉ kʉsikila lɨno, isipeliwa syoni silɨla kʉ lʉvavo ʉngata lʉvavo lwa kʉhola ʉmwana.