Popular Bible Verses from Romanos 2

Share

Yajtzun teya wuk'il, in yolina kyi'j qeju in che b'inchan il ax ikx teya in tb'incha'na mya b'a'n, ¿maj in ximana ti'j qa tu'n ttzoqpaja tuj jwisi tzul tu'n Dios? ¿Mujqa nne'l tik'una Dios tu'nju b'a'nxix ex at tpasens ex apa'nx tu'n? ¿Minti'pe b'a'n tu'na ate Dios in txokon teya tu'n tajtz ti'j tanmiya tu'nju at nim t-xtalb'il?

Tu'ntzunju minti' tkolb'il tib'a, aya wuk'il, noq alxkyeya in yolina ti'j juntl qa aj ilxix; tu'nju in yolina ti'j juntl qa aj ilxix, tib'ajxa in kub' tz'aq, porke in tma'na qa aj ilxix juntl, ax ikx teya in tb'incha'na mya b'a'n.

Porke minti' nno'k tke'yin Dios ti kyxilen xjal.

Ex mlay che ok tq'o'n Dios qe xjal te tz'aqlxix qa noq in che b'in ti'j ley ex minti' in japun kyu'n; noq o'kx che okel te tz'aqlxix tu'n, aqeju in japun ley kyu'n.

Porke ktzajel tq'o'n Dios chojb'il te teyle junjun ik tza'nx taq'unb'en.

Atzun kye qeju kyk'i' che b'in ex minti' in xi kyniman aju yol ax tok, noq o'kx in xi kyniman aju mya tuj tumel, tzul tq'oj Dios kyi'j ex ktzajel tq'o'n kycastiw.

Ex tu'nju kyuw tanmiya ex minti' nna'jtz ti'j, kyja'tzun mas in ch'iy tcastiwoya aju ok tk'ma'ya tuj q'ij ok ttzaj tcastiwoya tu'n Dios, ex ok ttzaj jwisi tuj tumelxix tu'n Dios.