Popular Bible Verses from Mateo 9

Share

Xitzun tma'n Jesús kye t-xnaq'tzb'en: —Ax tok nimxix twitz awal at, atzun qe aq'nal mya nim. Kyja'tzun che kub'sane twitz tajaw awal tu'n kytzaj t-sama'n qe aq'nal chmol twitz awal, chi Jesús kye.

Kyxi'ye ex tz'elx kynik'e ti'j ti t-xilen ju yol lu tz'ib'an tuj Tu'jil, chi kyja': Aju wajb'ile kyeye atzun, tu'n tten kyk'ujlalile, ex mya tu'n ttzaj kyq'o'ne jun chojb'il weye, chi tuj Tu'jil. Porke minti' ma chin ule txkol kye xjal tz'aqlxix, noq o'kx ma chin ule txkol kye aj il tu'n tajtz ti'j kyanmi.

Tejtzun tke'yinte Jesús nim xjal, tzaj q'aq'an tk'u'j kyi'j; tu'nju otoq che sikt ex in che b'isun, ik kyten ik tza'n qe ẍne'l minti' pastoril kye.

Tej tb'inte Jesús ju yol lu, xi tma'n kye: —Qe xjal mya yab', mya il ti'j jun q'anal kye, noq o'kx qe xjal yab'.

B'aj tb'etin Jesús kyuj kykyaqil tnam ex kyuj kykyaqil aldey, in tq'o'n xnaq'tzb'il kye xjal kyuj ja te k'ulb'il kye judiy, in pakb'an ti'j tqanil b'a'n ti'j tkawb'il Dios, ex in che b'anix xjal tu'n, noq alkyex kyyab'il ex noq alkyex k'ixk'oj tok kyi'j.