Popular Bible Verses from Mateo 7

Share

Kyqaninxe ex ktzajel q'o'n kyeye; kyjyome ex knetel kyu'ne; kyq'ajtzan oke, ex kjaqetel ttzi ja kywitze.

Ex alkye jun xjal in qanin ti'j, ok tk'ma'; ex aju in jyon ti'j, knetel tu'n; ex aju nno'k tq'ajtza'n, kjaqetel ttzi ja twitz.

Kyja'tzun, alkye jun xjal ma txi tb'i'n qe nyole lu ex ma che japun tu'n, ik tten ik tza'n jun xjal at tnab'l jaw tb'incha'n tja tib'aj pk'at.

Kyja'tzun tkyaqilju kyajb'ile tu'n kyb'inchante xjal kyeye, ax ikxtzun kyb'inchame kye; ex atzunju in tma'n tley Moisés ex in kyma'n qe t-sanjel Dios.

Atzunju ttzi ja ch'in ex ju b'e ch'in tuj, atzunju in pon tuj chwinqlal, ex nik'xi junjun xjal in knet ttzi ja ch'in kyu'n, ex ju b'e ch'in tuj.

Kyokxe ttzi ja ch'in; porke aju ttzi ja ma' ex ju b'e ma' tuj, atzunju in pon tuj najen, ex nimku xjal in che'x tuj.

Maske mya b'a'n qeye, pero in xi kyq'o'ne oyaj b'a'n kye kyk'wa'le, ¿yajtzun te Kymane aju at tuj kya'j, mlaypelo tzaj tq'o'n aju b'a'n kye qeju in che qanin te?

Mi'n che yoline kyi'j kyuk'ile qa mya b'a'n qe, tu'ntzun mi'n kyoke tuj xjel tu'n Dios. Porke ik tza'n in che yoline ti'j kyuk'ile, ax ikxtzun kb'el kysentense tu'n Dios, ex ax ju malb'il k'ajb'el tu'n Dios kyeye jatum in xi kymalo'ne te juntl.

Ex alkye jun xjal in tb'i'n qe nyole lu ex minti' in che japun tu'n, ik tten ik tza'n jun xjal minti' tnab'l jaw tb'incha'n tja tib'aj ttxa tz'a'n.

¿Ex tiqu'n nno'k kyke'yine aju tal tz'is tokx tuj twitz kyermaniye, ex minti' nno'k kyq'o'ne kwent ti'j ju viga tokx tuj kywitze? ¿Ex tza'ntzun tten tu'n t-xi kyma'ne te kyermaniye: K'eletz qi'ne ju tal tz'is tuj twitza erman, ex lu ju viga tokx tuj kywitze?

Ten kykwente kyi'je tu'n mi'n kykub' sb'u'ne kyu'n pakb'al nik'al yol che ul kyuk'ile, ex k'okel kyq'on kyib' ik tza'n ẍne'l qe, atzun tuj kyanmi ik kyten ik tza'n qe xo'j in che tzeqt tu'n t-xi kychyo'n qe ẍne'l. Ti'j kyb'inchb'en k'elel kynik'e kyi'j. ¿Baqa ti'j ch'i'x nne'l qi'n qlo' uva, ex baqa ti'j ch'i'x k'ul nne'l qi'n qlo' higo?

Kyja'tzun tkyaqil tze' b'a'n, in tq'o'n twitz b'a'n; atzunju tze' mya b'a'n, in tq'o'n twitz mya b'a'n.

Aju tze' b'a'n mlay tzaj tq'o'n twitz mya b'a'n; ex aju tze' mya b'a'n mlay tzaj tq'o'n twitz b'a'n.

Tkyaqil tze' qa mya b'a'n twitz in tq'o'n, kjawil tx'emit ex k'okex q'ot tuj q'aq'.