Popular Bible Verses from Mateo 26

Share

Che xq'uqine ex che na'ne Dios tu'n mi'n kyoke tuj joyb'il kyi'je; ax tok taj kyanmiye tu'n kyxq'uqine, atzun kyximlale minti' tipun.

Xitzun tma'n Jesús kye: —Nimxix in b'isun wanmiye, ch'ix nkyime tu'n b'is. Che tenkje tzalu ex che xq'uqine wuk'ile.

Ex xi laq'e' ch'intl, kub' mutze', ok ten na'l Dios ex tma: —Nman, qa at tumel, kuchiwt tu'n mi'n tik'x jlu wu'ne; ex mya tu'n tb'ant aju weye wajb'il, noq o'kx tu'n tb'ant aju teya tajb'il, chi Jesús.

ex atzun nchk'ele jlu te kyuwsab'l te ak'aj yol, aju ma kyaj b'ant ti'j tu'n Dios kyuk'ile; atzun nchk'ele k'elel chitj tu'n kylaj nimku xjal, tu'n tnajset kyil.

Matoq in che wa'n, tzaj ttzyu'n Jesús pan, xi tq'o'n chjonte te Dios ex kub' tpiẍk'u'n, xi tq'o'n kye t-xnaq'tzb'en, ex xi tma'n: —Kytzyunxe ex kywa'nxe; atzun nximlale jlu.

Ex tzaj ttzyu'n ju vas, xi tq'o'n chjonte te Dios, xi tq'o'n kye, ex xi tma'n: —Kyk'anxe jlu kykyaqile

Ultzun kyuk'il t-xnaq'tzb'en, e knet tu'n in che tan; xitzun tma'n te Pedro: —¿Maj minti' ma kyipaye tu'n kyxq'uqine jun or wuk'ile?

Kxel nma'ne kyeye, texju ja'lo mlay txi nk'a'ntle ta'l twitz uva, maxitzun kxel nk'a'ne juntl maj junx kyuk'ile tuj tq'ijlalil ok tul tkawb'il Nmane, chi Jesús kye.

Ultzun ti'j tk'u'j Pedro aju yol otoq tma Jesús te: Na'nxtoq ttzaj oq' tzek' kb'el tewana ox maj kywitz xjal qa minti' ojtzqi'n qine tu'na, chi Jesús. Etztzun Pedro ti'jtzi, ex jaw oq'xix wen tu'n tb'is.

Che we'ktze, qo'qe; kyke'yinxe, ma tzul laq'e' aju kxel q'onte weye tuj kyq'ab' xjal, chi Jesús kye.

Xitzun tma'n Jesús te: —Q'o'n ku'xa t-spadiya tuj tjayil. Ex kykyaqil qeju q'i'n spad kyu'n, ax tu'n spad che najel.