Popular Bible Verses from Mateo 24

Share

Ex tu'nju otoq chmet il, nimku xjal mi'n tentl kyk'ujlalil kyxolx. Ex alkye kukx ma tzik'x tu'n ex minti' ma kub' numj, atzunju ok kletel.

Aju tqanil b'a'n lu ti'j tkawb'il Dios kxel pakb'et tuj tkyaqil twitz tx'otx' tu'ntzun tchik'b'anjtz ju yol lu kye kykyaqil nasyon; maxitzun tzul mankb'il tq'ijlalil.

Ok kyb'i'ye ok tok q'oj ex ok kyb'i'ye tqanil ti'j q'oj, kykwentin ok kyib'e tu'n mi'n kyjaw sek'paje, ex il ti'j tu'n tjapun tkyaqil jlu; ex myatzun a mankb'il tq'ijlalil tu'n tjapun b'aj tkyaqil.

Porke qe xjal tuj jun nasyon che q'ojlel ti'j juntl nasyon, ex che q'ojlel qe tnam kyi'j txqantl tnam; ex noq jachaq tzul tx'u'j yab'il ex we'yaj ex kyaqnajnab'. Tkyaqil jlu atzun tnejel k'ixb'isab'l.

Ate kya'j knajel tuk'ix tx'otx', atzun we nyol mlay naj.

Porke nimku xjal che ul ex k'okel kyq'on kyib' ik tza'n weye ex ok kyma': Aqine ju Crist at woklene tu'n Dios, che chilo; ex nimku xjal che b'el kysb'u'n.

Ex che xel q'o'ne tuj kyq'ab' xjal tu'n kyb'aj k'ixb'isa'ne, ex che b'el b'yo'ne kyu'n, ex che elel ik'une kyu'n kykyaqil xjal tu'n tlaj okslal qeye wi'je. Tu'ntzun jlu nimku xjal kyjel kykolin kyokslab'l; ax qe kyuk'il che okel te aj q'oj kyi'j ex k'elel kyik'un kyib' kyxolx. Ex nimku xjal che ul, k'okel kyq'on kyib' te t-sanjel Dios ex mya ax tok kyu'n, ex nimku xjal che b'el kysb'u'n.

Xi ttzaq'we'n Jesús: —Ten kykwente kyi'je tu'n mi'n kykub' sb'u'ne kyu'n xjal.

Kyja'tzun ikx kyeye kyb'incham kytene; ok chin ule tuj or aju mya ximan kyu'ne, aqine sk'o'maj qine tu'n Dios tu'n ntene kyuk'il xjal.

Kyja'tzun che xq'uqine, porke minti' b'i'n kyu'ne alkye or tzul Kyajawe.

Ex alkye q'ij ex alkye or tu'n wule, mi a'l jun xjal b'ilte, mi qe anjel tuj kya'j minti' b'i'n kyu'n, ax ikx weye minti' b'i'n wu'ne, aqine Tk'wa'l Dios. O'kx Nmane b'a'n tu'n.

Ok che ul xjal k'okel kyq'on kyib' ik tza'n Crist qe, ex mya ax tok kyu'n, ex che ul xjal k'okel kyq'on kyib' te t-sanjel Dios, ex mya ax tok kyu'n; ex ok kyb'incha' qe señ ma'xix ex qe b'inchb'en nim kyipumal tu'n kysb'un kyi'j xjal, ax ikx ok kyajb'e tu'n kysb'un kyi'j qeju sk'o'maj qe tu'n Dios, noqwit at tumel.

Aju tq'ijlalil ok wule, aqine sk'o'maj qine tu'n Dios tu'n ntene kyuk'il xjal, ik tten ik tza'n tuj tq'ijlalil tej tten Noé. Porke tuj tq'ijlalil tej na'nxtoq ttzaj q'eqab', in che wa'n xjal ex in che k'an, in che moje' xinaq tuk'il kyxu'jil ex qe xu'j tuk'il kychmil, kukxtoq kyb'inchante jlu tuj q'ij tej tokx Noé tuj matij barc; ex minti'toq tok kykwent ti'j tej ttzaj q'eqab' kyib'aj; kykyaqiltzun e je'x q'i'n tu'n a'. Ikxtzun kb'ajelju ok wule aqine sk'o'maj qine tu'n Dios tu'n ntene kyuk'il xjal.