Popular Bible Verses from Mateo 21

Share

Ex tkyaqilju kxel kyqanine tuj na'j Dios, ex qa ma qe' kyk'u'je ti'j Dios, ok kyk'ma'ye.

Xi ttzaq'we'n Jesús: —Ax tok kxel nma'ne kyeye, qa at kyokslab'le ex qa minti' ma jawje' kyk'u'je, mya noq o'kx jaku b'ant tu'n ttzqij tqan higo kyu'ne, ax ikx jaku txi kyma'ne teju witz lu: Tik'a ex xo'nx tib'a tuj mar, qa che chiye, ex kb'anteltzun aju kxel kyma'ne.

Atzun qe xjal nejni twitz Jesús kyuk'ix qeju lepchix ti'j in che sch'in ex in kyma'n: —Qq'onx q'olb'eb'l te Tk'wa'l rey David. Ky'iwla'n teju tzul, tu'n Qman ma tzaj sama'n. Nimanxwit tb'i Dios tuj kya'j.

Xi tma'n kye: —At jun yol in tma'n tuj Tu'jil chi kyja': We nja, ja te nab'l Dios tb'i k'okel, chi tuj Tu'jil; atzun kyeye ma tz'ok kyq'o'ne te kyjul eleq', chi Jesús.

Kymanxe kye xjal aj Sión: Lu tzul Kyreye kyuk'ile, mans ex tjax tib'aj jun ttxu bur, tjax tib'aj jun tal bur, tal jun ttxu bur, chi t-sanjel Dios.

Xitzun tma'n Jesús kye: —¿B'ajxpe jaw kysch'i'ne ti in tma'n tuj Tu'jil? Chi kyja': Aju ab'j el kyik'un qe b'inchal ja ma tz'ok te skyini te simyent. Tu'n Qman ma b'ant jlu, ex ma' t-xilen jlu tuj qwitz, chi tuj Tu'jil.

Kyja'tzun kxel nma'ne kyeye, k'elel q'i'n kyoklene tu'n mi'n kyokxe tuj tkawb'il Dios, ex kxel tq'o'n Dios kyoklen juntl k'loj xjal, tu'n t-xi kyq'o'n ch'in twitz awal teju tajaw awal.