Popular Bible Verses from Exodo 20

Share

Dios tsi' subu pejtel ili t'an: Joñon a Yumon a Dioson. Tsac pʌyʌyet loq'uel ti' lumal egiptojob, ya' ba' chucbilet ti majtan e'tel. Mach a ñop yambʌ dios. Yom jach ma' ñopon.

Mach a bajñel mel a dios tac, mi i yejtal winic mi i yejtal bʌte'el am bʌ ti pañimil mi i yejtal mut am bʌ ti chan, mi i yejtal chʌy am bʌ ti ja'. Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

C'uxbin a tat a ña' cha'an ma' jalijel ti jini lum tsa' bʌ i yʌq'ueyet a Yum Dios.

Yom ma' chʌn p'is ti a wenta i yorajlel c'aj o. Yom ma' q'uel ti ch'ujul jini q'uin.

Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Wʌcp'ejl q'uin yom ma' cha'len e'tel yic'ot pejtel chuqui yom melol. I wucp'ejlel q'uin i yorajlelʌch c'aj o cha'an a Yum Dios. Ti ili q'uin mach a wis cha'len e'tel, mi jatet, mi ch'iton bʌ a walobil, mi xch'oc bʌ a walobil, mi a winic, mi a criada, mi a wʌlac' mi jini am bʌ ti a tojlel mach bʌ a pi'ʌlic

Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Mach a cha'len jop't'an ti' contra a pi'ʌl.

Mach a cha'len ts'i'lel.

Mach a cha'len tsʌnsa.

Mach a cha'len xujch'.