Popular Bible Verses from Uro 6

Share

Bonso, yelbieri san-yɔɔ la kũũ, kyɛ Naaŋmen kyɔɔtaa naŋ e weɛlɛ la nyɔvore naŋ ba taa baaroo a Kirista Yeezu te Daana poɔ.

Bonso, yelbieri koŋ la di kpeɛ̃õ yɛ zu, yɛ naŋ ba la be a bege puliŋ, kyɛ be a garaaseɛ puliŋ zuiŋ.

Azuiŋ, ba laŋ ũũ te la ne a Kirista, ba naŋ da so te a suobu a eŋ O kũũ poɔ, ka ka aŋa lɛ a Saa puubu naŋ da e ka a Kirista leɛ-iri a kũũ poɔ, lɛ meŋ la ka te pãã na kyɛnɛ nyɔvo-paalaa poɔ.

Yɛ ta la derɛ yɛ nandaare erɛ yelbieri aŋa faaloŋ tontomboma, kyɛ yɛ de yɛmenne ko Naaŋmen aŋa banaŋ ba naŋ e ka ba leɛ-iri kuuni poɔ a voorɔ, a de yɛ nandaare ko Naaŋmen ka a waa mennoŋ tontomboma.

Te baŋɛɛ la ka ba da kpa la a te eŋkoraa ne a Yeezu Kirista a dagaraa zu, ka ka a yelbieri eŋɛ na sãã, ka te na ta la waa yelbieri gbaŋgbaare.

A lɛ zuiŋ, a ferɛɛ la ka yɛ meŋ nyɛ yɛmenne, ka yɛ kpie la yelbieri eŋɛ, kyɛ voorɔ Naaŋmen eŋɛ a Kirista Yeezu poɔ.

Te pãã na yeli ka boŋ? Te mɔɔ naŋ kyɛnɛ erɛ yelbebe ka ka garaaseɛ na gore be? A lɛ koŋ baŋ e togitogi! Wola ka tenee naŋ kpi yelbieri eŋɛ na kyɛnɛ be yelbebe poɔ?

Yɛ ba baŋ ka ka yɛnee de yɛmenne ko neɛzaa aŋa gbaŋgbaare naŋ sagra noɔre, yɛ waa la a neɛ na noɔre yɛ naŋ sagra gbaŋgbaare, ka yelbieri naŋ derɛ noba gɛrɛ ne kũũ poɔ, bee ka noɔre sagoo naŋ derɛ noba gɛrɛ ne mennoŋ poɔ la?

Kyɛ Naaŋmen taa la bareka ne yɛ naŋ da waa yelbieri gbaŋgbaare, kyɛ ka yɛ leɛ sagra noɔre a yɛ sukyie poɔ, a sage de wuluu na zaa ba naŋ da de eŋ yɛ nuuriŋ, ka ka yɛnee ba naŋ da faa yi ne yelbieri poɔ leɛ waa mennoŋ gbaŋgbaare.