Popular Bible Verses from Uro 5

Share

Kyɛ Naaŋmen wuli la O nɔmmo ko te, bonso, te naŋ da naŋ waa yelbe-erebɛ, a Kirista da kpi la te zuiŋ.

kyɛ a teɛretɔroo maŋ ko te la bambaare, bonso, Naaŋmen tu la a Vooroŋ Soŋ O naŋ ko te zie kyɛ paale te sukyie ne O nɔmmo.

Kyɛ a lɛ yoŋ naane, te erɛ la pɔloo meŋ a te dɔgɛɛ diibu poɔ, a baŋ ka dɔgɛɛ diibu maŋ waana ne la kannyiri, ka kannyiri diibu waana ne gyogo naŋ soma, ka gyogo naŋ soma waana ne teɛretɔroo

Azuiŋ, te naŋ leɛ nensonne a te yeldeebo zuiŋ, te taa la emmaaroŋ ne Naaŋmen a yi te Daana Yeezu Kirista eŋɛ. A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

Bonso, te naŋ da naŋ be bambaaloŋ poɔ, kyɛ a saŋ meŋɛ naŋ da wa ta, a Kirista da kpi la a yelfa-erebɛ zuiŋ.

A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ.

Bonso, a ŋa lɛ neŋyeni noɔre zagroo naŋ e ka noba yaga leɛ yelbe-erebɛ, lɛ meŋ ka neŋyeni noɔre sagoo e ka neŋyaga nyɛ mennoŋ.

Kyɛ a gaŋ a lɛ, te erɛ la pɔloo Naaŋmen eŋɛ, a te Daana Yeezu Kirista zuiŋ. A O zuiŋ la ka te ne Naaŋmen leɛ maale taa.