Popular Bible Verses from Kahigibu 22

Share

N nyɛla Alfa mini Omega . Di gbinni nyɛla ŋun daŋ tooni ni ŋun bahindi nyaaŋa ni ŋun lan nyɛ piligu ni bahigu.”

Ti Duuma Yisa yɛliya, “Nyama, di ku yuui ka n kana, ka mali laara na ni n ti ti sokam kaman o tuma ni simdi shɛm!

Ka Naawuni Shia Kasi mini Amiliya maa yɛli, “Kamina!” Ŋunkam wum dimbɔŋɔ, ŋun’ gba yɛlima, “Kamina!” Ka kɔnyuri ni mali sokam mini ŋun bɔri nyɛvili kom, ŋun’ kamina nti dee’ li yoli.

Ninvuɣ’ shɛb’ bɛn paɣi bɛ binyɛra ni bɛ ti mali soli din ni chɛ ka bɛ di nyɛvili tia la wala, ka doli tiŋ’ la dunoya kpe di ni la mal’ alibarika.

Ti Duuma Yisa yɛliya, “Nyama, di ku yuui ka n kana! Ninvuɣ’ shɛb’ bɛn doli anabitali yɛligu din be litaafi ŋɔ ni mal’ alibarika.”

Yuŋ ti ku lan beni; bɛ mi ti ku bɔri firila bee wuntaŋ’ neesim, dama ti Duuma Naawuni maŋmaŋa nti yɛn nyɛ bɛ neesim, ka bɛ ni ti di nam hal ni saha din ka bahigu.

Ŋun di dimbɔŋɔnim’ shɛhira maa yɛliya, “Yɛlimaŋli, di ku yuui ka n shiri kana!” Ami! Chɛ ka di niŋ lala. Kamina, ti Duuma Yisa! Ti Duuma Yisa daalibarika kpalimmi be yi zaa ha ni! Ami.

Man’ Jɔn kpahiri ŋunkam wum anabitali yɛligu din be litaafi ŋɔ ni zuɣu ni: Ŋunkam pahi shɛli di ni, Naawuni ni zaŋ alɔbo balibu kam din sab’ litaafi ŋɔ ni la m-pah’ o tibidarigibo zuɣu; ka so mi yi yihi shɛli anabitali yɛligu din be litaafi ŋɔ ni, Naawuni ni yih’ o tarili nyɛvili tia la mini tiŋ’ kasi shɛli din yɛla sab’ litaafi ŋɔ ni la ni.