Popular Bible Verses from Kahigibu 21

Share

ka o ni nyɛhi bɛ nintam zaa bahi, ka kum ku lan beni bee fabila bee kumsi, ka biɛrim gba ku lan beni yaha, dama bin’ kura la zaa vuuya.”

Ka ŋun ʒi nam ʒiishee maa yɛli, “Nyama, m mali binshɛɣukam zaa ka di niŋ zaɣ’ pala!” Ka lan yɛli ma, “Sabimi dimbɔŋɔ sɔŋ, dama yɛligu ŋɔ nyɛla nira ni ni niŋ shɛli naani, ka lan nyɛ yɛlimaŋli.”

Ka n daa wum kukol’ tital’ shɛli damli ka di yɛri nam ʒiishee maa gbini, “Nyama, Naawuni biɛhigu shee bela ninsalinim’ sani. Ka o ni be bɛ sani, ka bɛ nyɛ o niriba, ka ŋun’ Naawuni maŋmaŋ’ mi ni be bɛ sani n-nyɛ bɛ Naawuni

Ka o yɛli ma yaha, “Di pun niŋ! N nyɛla Alfa mini Omega . ‘Di gbinni nyɛla, Piligu ni Bahigu.’ Kɔnyuri ni wum ninvuɣ’ shɛb’ la, n ni ti ba nyɛvili kom din nyɛ kɔbilisirim la yoli.

Ŋunkam di nasara ni deei pini ŋɔ n sani, ka n ni nyɛ o Naawuni, ka o mi nyɛ m bia.

Amaa dabeenzɔriba mini bɛn ka yɛda ni halibiɛrinima ni ninvuɣ’ kuriba ni zinaniŋdiba ni baɣibuɣiriba ni buɣijɛmdiba ni ʒiŋmariba zaa biɛhigu shee ni ti nyɛla buɣim teeku din buɣim nyɛ chilibi buɣim din dir’ ni; di ni kpɛbu n-nyɛ kum din pahi buyi la.”

Di saha ka n daa nya zuɣusa’ palli mini dunia palli; dama tuuli zuɣusaa mini tuuli dunia la daa vuuya, ka teeku gba lan kani.

Ka n daa nya tiŋ’ kasi din nyɛ Jɛrusalɛm palli, ka di yi Naawuni sani alizanda ni n-sirigirina, ka malimali m-be kaman amiliya ni yi mal’ omaŋa n-gu o daaŋgo shɛm la.

Ka tiŋ’ maa bi bɔri wuntaŋ’ bee goli ni di ne di ni, dama Naawuni jilima n-nyɛ di neesim, ka Piɛbil’ maa mi nyɛ di firila. Ka dunia zuliya kam ni be di neesim maa ni chana; ka dunia ŋɔ nanim’ ni zaŋ bɛ jilima na nti kpe di ni.