Popular Bible Verses from Kahigibu 19

Share

Chɛliya ka ti suhuri piɛla, ka ti duh’ o ka tibig’ o, dama Piɛbil’ la amiliya lɔbu saha paaya, ka o daamiliya paɣ’ maa pun mali shili.

Ka yu’ shɛli sabi pa o binyɛrigu min’ o gbalipini zuɣu. Di ni daa sab’ shɛm m-bɔŋɔ: “Nanim’ zaa Naa ni duumanim’ zaa Duuma.”

Di saha ka n daa nya ka zuɣusaa bɔɣi, ka n nya wɔr’ piɛli. Ŋun daa ʒi o zuɣu yuli daa boonila Ʒiɛyim mini Yɛlimaŋli. Ka o daa mali wuntitali n-kariti saria ka tuhiri tɔbu.

O nina daa ŋmanila buɣim zilinli, ka nam zuɣupila pam pil’ o zuɣu ni; ka yu shɛli sabi tab’ o, ka so ʒi li pah’ o zuɣu. Ka o ye binyɛr’ shɛl’ din ŋam ʒim, ka o yuli daa booni Naawuni Yɛligu.

Ka takɔb’ dirili yir’ o nol’ ni na, ka o zaŋ li n-zabi nyaŋ zuliya kam, ka zaŋ kurigu jaaŋgbee n-su ba; ka siɣi Naawuni Zallakudura Naa suhuyiɣisili wain tɔɣiri adaka puuni nɔri ginda.

Ka bɛ daa gbaai biŋkɔbigu maa min’ anabi ʒirilaan’ so ŋun daa be o sani n-wuhiri shihira n-yɔhindi ninvuɣ’ shɛb’ bɛn daa mali ŋun’ biŋkɔbigu maa dalinli mini bɛn jɛmd’ o binnan’ la. Ka bɛ daa zaŋ biŋkɔbigu maa min’ o daanabi maa zaɣ’ nɛma m-bahi buɣim teeku din buɣim nyɛ chilibi buɣim n-diri la ni.