Popular Bible Verses from Kahigibu 14

Share

Ka n daa wum kukol’ shɛli ka di yi zuɣusaa na yɛri ma, “Sabimi ŋɔ: Pumpɔŋɔ zaŋ chana, ninvuɣ’ shɛb’ bɛn dol’ ti Duuma hal ni bɛ nyɛviya tariga mal’ alibarika.” Naawuni Shia Kasi yɛliya, “Di ni nyɛ shɛm m-bala! Bɛ shiri mal’ alibarika! Bɛ vuhi bɛ tuma jɛlinsi, ka bɛ tuma maa shɛhira ni doli ba.”

Dimbɔŋɔ zuɣu di simdi ni Naawuni ninvuɣ’ gahinda bɛn dol’ Naawuni zaligunima, ka ʒe Yisa yim la mal’ ania.

Ka o daa duh’ o yee pam n-yɛra, “Zomiya Naawuni ka timiy’ o jilima, dama o ni yɛn kari saria saha shɛli paaya! Jɛmmiya ŋuna ŋun daa nam zuɣusaa mini dunia ŋɔ ni teeku mini kɔbil’ nina la!”

Ka malaika ŋun pah’ ata daa dol’ o tab’ maa gbin’ na duh’ o yee pam yɛra, “Ninvuɣ’ so ŋun jɛm biŋkɔbigu la min’ o binnan’ la ka deeg’ o dalinli la pa o gbiɛɣu zuɣu bee o nuu ni n-nyɛ ŋun ni nyu Naawuni suhuyiɣisili wain shɛli o ni booi niŋ o suhuyiɣisili pipia ni ka binshɛli bi pilisi di ni la. Ka bɛ ni ti zaŋ chilibi buɣim n-nahim dilana malaika kasinim’ mini Piɛbil’ la tooni. Ka bɛ nahiŋgu maa buɣim nyɔhi ni kpuɣi du zuɣusaa hal ni saha din ka bahigu, ka bɛ ku mali vuhim yuŋ ni wuntaŋ’ ni. Bɛna n-nyɛ bɛn jɛmdi biŋkɔbigu la min’ o binnani la ni bɛnkam deeg’ o yuli dalinli la.”

Ka n daa lihi n-nya Piɛbila ka o ʒe Ziɔn zol’ zuɣu, ka ninvuɣ’ tuhi’ kɔbiga ni tuhi’ pihinahi ni tusaanahi ʒe o sani, ka o yuli min’ o Ba yuli sab’ pa bɛ gbiɛri zuɣu.

Di saha ka n-daa nya malaika so ka o be alizanda sunsuuni yiɣiri ginda, ka mali lahibal’ suŋ din ka bahigu ni o yɛli niriba balibu kam mini dɔɣim kam ni zuliya balibu kam ni tinzun yɛligu kam nima bɛn be dunia ni.

Ka malaika ŋun pah’ ayi dol’ o gbin’ na yɛra, “Babilɔn din nyɛ tin’ titali din daa muɣisi zuliya kam ka bɛ nyu di kɔr’ biɛri wain la luya!”