Popular Bible Verses from Kahigibu 13

Share

Di niŋ kamaata ni nir’ niŋ siɣa dimbɔŋɔ puuni. Ŋunkam mali kookali ni tooi baŋ biŋkɔbigu maa namba maa, dama di nyɛla ninsal’ namba. O namba maa nyɛla kɔbisiyɔbu ni pihiyɔbunaayɔbu.

Ka ninvuɣ’ shɛb’ bɛn zaa yuya pun bi sabi niŋ Piɛbil’ so bɛ ni daa ku la nyɛvili litaafi la ni tun dunia piligu ni la ha ni ti jɛm biŋkɔbigu maa.

O daa kul muɣisirila sokam. Wɔɣira mini tarimba ni bundaannim’ mini faranim’ ni bilichinnim’ mini daba ni o dalim ba bɛ nudiriti ni bee bɛ gbiɛri zuɣu, ka di chɛ ka so ku tooi lan da shɛli bee n-kɔhi shɛli, shee o malila dalinli din nyɛ biŋkɔbigu maa yuli bee namba din ʒe o yuli zaani la.

Di ni sab’ zani so zuɣu ni o niŋ dabili ni bahi leei dabili; ka ŋunkam mali takɔbi kur’ o taba, bɛ ni zaŋ takɔbi ku o gba. Dimbɔŋɔ zuɣu di simdi ni Naawuni ninvuɣ’ gahinda mal’ ania ka niŋ yɛda.”

Ka n daa nya biŋkɔb’ so ka o yiri teeku ni na; o daa malila yila pia, ka mali zuɣur’ ayopɔin, ka nam zuɣupila pia pili o yila maa, ka Naawuni mɔbu yuya sab’ pa o zuɣuri maa zuɣu.

Bɛ daa lan niŋ o yiko ni o lo tɔbu tuhi Naawuni ninvuɣ’ gahinda nyaŋ ba. Ka lan niŋ o yiko ni o su dɔɣim kam mini niriba balibu kam ni tinzun yɛligu kam nima.

ka zaŋ o ni mali yiko wuhiri shihir’ shɛŋa tuuli biŋkɔbigu la tooni maa n-yɔhindi bɛn be dunia ŋɔ ni; ka zali niriba ni bɛ malimi binnani ŋ-ŋmahindi biŋkɔb’ so ŋun daa mali takɔb’ daŋa ka tib’ kpaŋ la. Ka biŋkɔbigu ŋun pah’ ayi la daa ti binnani maa vuhim hal ka binnani maa ni tooi tɔɣisi yɛtɔɣa gba, ka daa chɛ ka bɛ ku ninvuɣ’ shɛb’ bɛn zaa zaɣisi binnani maa jɛmbu.

N ni daa nya biŋkɔb’ so maa daa ŋmanila jɛŋgbini, ka o naba mali nyinyɛ’ wɔɣila, ka ŋmani bɛ ni booni biŋkɔb’ so bɛɛr la naba, ka o noli ŋmani gbuɣinli noli. Ka waɣ’ biɛ’ tital’ la daa zaŋ o yiko min’ o nam ʒiishee ni o fukumsi din galisi pam la ti o.

Ka biŋkɔbigu maa daa nya yiko n-tɔɣisiri duhimaŋtali mini Naawuni mɔbu yɛtɔɣa, ka mali soli ni o wuh’ o fukumsi yiko tuma ni nyɛ shɛm chira pihinahinaayi.

Ka o zuɣuri la ni yini daa mali dan’ titali din ŋmani din yɛn ku o; amaa ka daa lee lan naai, ka di daa niŋ dunianim’ zaa alahiziba ka bɛ kab’ dol’ o.

Di saha ka n daa lan nya biŋkɔb’ so ka o yi tiŋgban’ ni na. O daa malila yila ayi kaman piɛbil’ yila la, ka tɔɣisiri yɛtɔɣa ka o lɔŋ ŋmani waɣ’ biɛ’ tital’ la lɔŋ, ka mali tuuli biŋkɔbigu la yiko n-tumdi yiko tumtumsa tuma biŋkɔbigu maa tooni, ka muɣisiri dunia mini ŋunkam be di ni ni bɛ jɛmmi tuuli biŋkɔbigu ŋun daa mali dan’ titali din yɛn ku o ka daa lan tib’ la.