Popular Bible Verses from Filipainima 4

Share

Di chɛliya ka yi suhuri jiɣindi shɛli zuɣu, amaa yi suhigu zaa puuni, yɛlimiya Naawuni yi ni bɔri shɛli, ka kul balimmiya Naawuni ni wumpaɣibo din yiri yi suhuri ni na.

Ka Naawuni suhudoo din yaɣi ninsal’ milinsi zuɣu la ni gbibi yi suhuri mini yi tɛha Yisa Masia ni.

M mabihi, din bahindi nyaaŋa nyɛla ŋ-ŋɔ, chɛliya ka binshɛɣukam din viɛli ka simdi paɣibu n-kul be yi tɛha ni. Dina n-nyɛ: Binshɛŋa din nyɛ yɛlimaŋli mini binshɛŋa din tahiri sizuura lubu na ni binshɛŋa din tuhi ni binshɛŋa din be kasi ni binshɛŋa din mali jiri ni binshɛŋa din mali jilima!

N ni tooi niŋ shɛlikam zaa Masia ni tiri ma yaa la zuɣu.

Kul maliya suhupiɛlli ti Duuma zuɣu sahakam; n lan yɛri ya mi yaha, kul maliya suhupiɛlli!

N Duuma Naawuni ni tin ya din simdi ya zaa o bundaantali din be Yisa Masia ni la zaa puuni.

Doliya yi ni bɔhim shɛli mini yi ni deei shɛli n san’ la zaŋ tabili n yɛtɔɣa mini n tuma; ka Naawuni ŋun tiri ti suhudoo la ni be yi sani.

Maliya biɛrisuŋ zaŋ chaŋ sokam zaa sani. Ti Duuma labbuna miriya.

M mi kɔŋsim biɛhigu, ka mi malibu gba biɛhigu. M pun bɔhim baŋ ashili ŋɔ: N ni be luɣ’ shɛlikam mini saha shɛlikam zaa puuni, n yi nya n-di bee n yi gbe kum, ka n yi mali pam bee n yi malila biɛla n nini tiɣiri li mi.

M bi yɛli dimbɔŋɔ ni di wuhi ni n kɔŋla shɛli, dama m bɔhim ni n chɛ ka n nini tiɣi n ni mali shɛli.