Popular Bible Verses from Hiburunima 4

Share

Naawuni yɛligu nyɛla din mali nyɛvili ka tumdi tuma. Di diri gari takɔb’ kam din mali noya ayi, ka ŋmari paari ninsal’ kɔb’ tuɣa min’ o kɔba ni kpam tuɣa shee din nyɛ suhu mini shia tab’ tuɣibu shee la. Di vihiri baŋdi ninsal’ suhu ni bɔri shɛli mini tɛhi’ shɛŋa din be o suhu ni.

Dinzuɣu chɛliya ka ti niŋ naani ka vu m-miri Naawuni ŋun nyɛ alibarikalan’ ŋɔ nam ʒiishee, ka di chɛ ka o zo ti nambɔɣu ka ti nya alibarika din ni sɔŋ ti saha shɛli ti ni bɔri li.

Ti ni mali maligumaaniba zuɣulan’ titali so maa nyɛla ŋun ni tooi baŋ ti chɔɣinsi yɛla ka di niŋ o nambɔɣu, dama o nyɛla ŋun daa nya zahimbu kaman ti gba ni nyari zahimbu shɛm, amaa o daa bi tum alahichi di puuni.

Binnamdi’ so ku tooi sɔɣi Naawuni, dama binshɛɣukam dola palɔni o sani. Ŋuna n-nyɛ ti zaa ni ti yɛn kahigi ti bebu ni nyɛ shɛm wuhi so.

Ti ni mali maligumaaniba zuɣulan’ titali so ŋun nyɛ Naawuni Bia Yisa ŋun daa chaŋ ti be Naawuni san’ la zuɣu, chɛliya ka ti gbibi ti daadiini ŋɔ kirikiri.

Dinzuɣu chɛliya ka ti kpaŋ timaŋ’ paai vuhim shee Naawuni sani, ka ti ni so ti ku lu nɔzaɣisibo ŋɔ tatabo zuɣu.