Popular Bible Verses from Galɛshianima 5

Share

Din yiri Naawuni Shia Kasi biɛhigu ni na nyɛla: Yurilim mini suhupiɛlli ni suhudoo ni suɣilɔdibo ni nirilimtali ni zaɣisuntali ni ʒiɛyimtali ni tarimtali ni maŋgbibbutali. Ka zaligu shɛli kani din galindi dimbɔŋɔnima.

N yɛri ya mi, Doliya Naawuni Shia Kasi biɛhigu, ka miriya ka yi doli niŋgbuŋ kɔre tuma soli.

Ti yi bela Naawuni Shia Kasi yiko zuɣu, yin’ chɛliya ka ti doli Naawuni Shia Kasi biɛhigu.

Ka bɛnkam nyɛ Yisa Masia ni su shɛba pun zaŋ bɛ niŋgbuŋ biɛhigu mini di kɔre ni di yubu zaa n-kpahi tabili dapulli zuɣu.

Niŋgbuŋ biɛhigu tuma yi zahira. Dina n-nyɛ: Zina niŋbu mini daɣiri tuma ni kɔr’ biɛri balibu kam ni buɣijɛmbo ni baɣibuɣibo ni dimdi ni zabili ni nyuli zabbu ni suhuyiɣisili ni zunyuŋ ni naŋgbankpeeni ni tab’ woligibu ni putɔɣu ni ninvuɣ’ kubo ni danyubo ni vuyɔbo yiriŋ ni din ŋmani dimbɔŋɔnima. N kpahiri yi zuɣu ni kaman n ni daa pun kpahi yi zuɣu ni shɛm la: Bɛn niŋdi dimbɔŋɔnima ti ku kpe Naawuni nam ni.

M mabihi, Naawuni n-daa pii ya leei bilichinnima; amaa lee miriya ka yi zaŋ yi bilichinsi soli maa tum niŋgbuŋ kɔre tuma, naɣ’ zaŋmiyala yimaŋ’ leei tab’ daba yurilim zuɣu.

Niŋgbuŋ biɛhigu yubu mini Naawuni Shia Kasi biɛhigu yubu nyɛla din tuhiri tab’ tɔbu; dama di nyɛla din chihi taba ka guri ya soli n-chɛ ka yi bi niŋdi yi ni bɔri ni yi niŋ shɛm.

Dama Naawuni fukumsi zaligu zaa niŋ pali la yɛtɔɣ’ yini puuni. Dina n-nyɛ: “Yum’ a ʒiʒiinikpee kaman amaŋmaŋ’ la.”

Di chɛliya ka ti duhiri timaŋa ka tumdi din yiɣisiri tab’ suhuri bee n-zabiri tab’ nyuli.

Masia daa yihi ti dabitim ni, ka ti leei bilichinnima. Dinzuɣu ʒiɛnya viɛnyɛliŋga, ka di lan niŋya nti leei daba yaha.