Popular Bible Verses from 1 Kɔrintinima 2

Share

Di bemi kaman di ni sab’ shɛm la: So nini na bi nya, ka so mi tibili na bi wum bee so ti baŋ binshɛŋa Naawuni ni mali zali ninvuɣ’ shɛb’ bɛn yur’ o la.

Ninvuɣ’ so ŋun ka Naawuni Shia Kasi ku tooi deei Naawuni Shia Kasi pina; di nyɛla jɛrilim o sani hal ka o ku tooi baŋ di yɛla, dama di nyɛla Naawuni Shia Kasi ni wuhiri yɛl’ shɛŋa.

Amaa Naawuni chɛ ka o Shia Kasi kahigi li wuhi tinima; dama Naawuni Shia Kasi n-nyɛ ŋun vihiri binshɛɣukam hal zaŋ tabili Naawuni yɛla din gbinni zilima.

Pa dunia ŋɔ shia ka ti deei, amaa Shi’ so ŋun yi Naawuni sanna ka ti deei ni ti tooi baŋ pin’ shɛŋa Naawuni ni zaŋ ti ti.

Ka n yɛtɔɣa mini n waazu yihibu daa pala yɛm yɛtɔɣ’ shɛŋa din yi ninsalinim’ baŋsim ni na, amaa di daa yila Naawuni Shia Kasi tuma min’ o yiko ni na ni di chɛ ka yi yɛda ku me n-tamla ninsalinim’ yɛm zuɣu, amaa ka ni me n-tamla Naawuni yiko zuɣu.