Popular Bible Verses from Aizaia 51

Share

Mani n-nyɛ ŋun kpaŋsiri ya, ka bɔ n-niŋ ka yi zɔri daadam ŋun ni kpi ŋɔ dabiɛm? Daadam ŋmanila mɔri, o kul ku beni sahakam.

N zaŋ n yɛligu niŋ a nol’ ni, ka zaŋ a niŋ n nuu mahim ni. Mani n-nyɛ ŋun daa nam zuɣusaa, ka nam tiŋgbani ŋɔ. N yɛli Ziɔnnima, “Yi nyɛla n niriba.”

Yinim’ bɛn mi din tuhi ŋɔ, wummiya! Yinim’ bɛn gbibi n wuhibu yi suhuri ni ŋɔ, di zɔriya niriba ni maani ya ansarisi shɛli. Ka bɛ yi turi ya, yin’ di chɛliya ka di muɣisi ya.

Dama man’ Yawɛ ni kpaŋsi Jɛrusalɛm, ka sɔŋ o luɣ’ shɛli polo din lu n-dahim. N ni chɛ ka o tiŋgban’ nɛli be kaman Idɛn puu din nyɛ man’ Yawɛ puu la; ka chɛ ka suhupiɛlli mini wumpaɣibo yila be o ni.

Nyin’ Yawɛ ni tiligi ninvuɣ’ shɛb’ maa ni paai Jɛrusalɛm. Bɛ ni ti yiini yila ni suhupiɛlli. Bɛ ni ti mali suhupiɛlli sahakam, ka bɛ suhusaɣiŋgu ni suhugarigu naai.