Popular Bible Verses from MATEO 21

Share

Taqi kuntix iyawsañ chuymampi Diosar mayisipkäta ukxa, katuqapxätawa.

Jesusasti jupanakarux sänwa: —Qhanak sapxsma, jumanakantix iyawsañax utjaspa, janirak Diosan ch'amapatsa pächasipkasma ukax, janiw nayax kuntix lurkta ukak lurapkasmati, jan ukasti khä qullurutix: ‘Unxtam, jach'a qutar liwiranttam’ sapxasmaxa, lurasispawa.

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

ukat sarakïna: —Qillqatanxa siwa: ‘Utaxasti Diosat mayisiñ uta satäniwa’, ukampis jumanakax lunthatanakan putup tukuyxapxatätaxa —sasa.

“Jerusalén markarux sapxam: ‘Uñtapxam, juman Reyimaw mä asnxat jutaski, llamp'u chuymani, mä jisk'a asno qallxata, khumuñ uywan qallupxaru.’ ”

Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.

Ukatpï sapxsmaxa, jumanakatxa Diosan qhapaq markapax apaqatäniwa, ukatsti taqi kunan jupar ist'ir markaruw churasini.