Popular Bible Verses from APOCALIPSIS 16

Share

Kayqa, noqa suwa jina jamushani. Kusikuyniyojmin mana puñuspa qhawajqa, p'achantapis jallch'ajqa, ama q'alalla purinampaj, nitaj p'enqayninta rikunankupaj.

Sojta kaj angeltaj Eufrates jatun mayuman copanmanta jich'aykorqa, yakuntaj ch'akiporqa, inti llojsimuynejmanta reyespaj ñan wakichisqa kanampaj.

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Rikorqanitaj sierpej siminmanta, phiña animalpa siminmanta, llulla sut'inchajpa siminmantapis, kinsa millay supaykunata llojsejta jamp'atusta jina.

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

Ñaupaj kaj angeltaj rispa copasmanta jallp'aman jich'aykorqa. Uj asnaj, nanachej ch'upu onqoytaj runasman jamorqa, pikunachus phiña animalpa marcanwan karqanku, lantintapis yupaycharqanku chaykunaman.

Paykunataj tantaykorqanku, hebreo parlaypi Armagedón, nisqa cheqapi.