Popular Bible Verses from APOCALIPSIS 10

Share

Manachayqa, qanchis kaj ángel parlamojtin, chay p'unchaykunapi trompetata waqachiyta qallarejtin imataj, Diospa pakasqa munaynin junt'akonqa, imaynatachus pay willarqa kamachisnin profetasman, chayman jina.

Angelqa nillawarqataj: Ujtawan ashkha llajtasman, runasman, tukuy laya parlayniyojkunaman, reyesman ima sut'inchanaykipuni tiyan, nispa.

Waj kallpasapa angeltataj janaj pachamanta uraykamojta rikorqani phuyuwan muyurisqata, k'uychitaj uman patapi karqa, uyantaj inti jina, chakisnintaj nina pilarkuna jina.

Chay angelmantaj rerqani chay librituta qonawampaj. Paytaj niwarqa: Jap'iy, oqoykuytaj; wijsaykitataj jayachisonqa, simiykipitaj misk'i kanqa, lachiwana misk'i jina. Jap'erqanitaj angelpa makinmanta chay librituta, mikhuykorqanitaj, simiypitaj misk'i misk'i karqa lachiwana misk'i jina; mikhuykojtiytaj wijsayta jayayacherqa.