Popular Bible Verses from FILIPENSES 1

Share

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

Kaytataj mañani Diosmanta, munakuyniykichej astawan ashkhayanampaj, astawanqa yachaypi, tukuy ima rejsiypitaj. Aswan allin kajta ajllanaykichejpaj, cheqan sonqoyoj kanaykichejpaj, mana k'aminas Cristoj p'unchaynimpi kanaykichejpaj.

Noqapajqa Cristomin kausayqa, wañuytaj ganancia.

Sapa kuti qankunamanta yuyarikuspa, Diosniyman graciasta qonipuni.

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

Munasqayman jina suyashani mana imapi p'enqaypi kanayta. Astawanqa tukuy sonqopuni suyashani rikuchisqa kananta cuerpoypi Cristoj may jatun kaynin, kausaypipis, chayri wañuypipis.

Chayrayku qankunaman qosqa kashan Cristorayku, mana paypi creenallaykichejtachu, astawanqa payrayku ñak'arinaykichej tiyan.