Popular Bible Verses from SAN MARCOS 10

Share

Runaj Churenqa mana sirvichikojchu jamorqa, astawanqa runata sirvej jamorqa, kausaynintataj qoj, ashkha runa salvasqa kanampaj.

Jesustaj paykunata qhawarispa nerqa: Runaspajqa, kayqa mana atikunchu, Diospajrí mana jinachu; imaraykuchus tukuy ima Diospajqa atikun.

Jesustaj payman nerqa: Ripuy, thañisqaña kanki creesqaykirayku. Kikimpachataj ciegoqa qhawarerqa, Jesuswantaj ñanta rerqa.

Chayrayku Diospa tantasqantaqa, runa ama t'aqachunchu.

Chantá Jesusqa qhawarispa munakuywan nerqa: Uj imataraj ruwanayki tiyan. Rispa tukuy imasniykita vendemuy, wajchasmantaj qopuy chay qolqeta, janaj pachapitaj ashkha kapuyniyki kanqa. Chantá jamuy, cruzniykita oqharispataj qhatiway.

Jesustaj kutichispa nerqa: Imatataj munanki ruwapusunayta? Ciegotaj Jesusman nerqa: Maestro, qhawariyta munani.

Qankuna ukhupirí, mana jinachu kanqa; mayqenchari aswan atiyniyoj kayta munan chayqa, kamachiykichej kanan tiyan.

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

Ñaupajpi kajkunaqa qhepakonqanku; qhepapi kajkunataj ñaupajpi rikhurenqanku.

Kay pacha qallarikushajtin, Dios ruwarqa qharita, warmita ima. Chayrayku qhareqa, tatanta, mamanta ima saqeponqa; warminwantaj ujlla kanqa. Iskayninkutaj uj aychallaña kanqanku; chayrayku manaña iskaychu kanku, ujllaña.