Popular Bible Verses from SANTIAGO 4

Share

Astawan Diosta kasuychej. Supaypa contrampi sayakuychej. Paytaj qankunamanta ayqekonqa.

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

K'umuykukuychej Señorpa ñaupaqempi. Paytaj pataman oqharisonqachej.

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

Pichus yachan allinta ruwana kasqanta, yachashaspataj mana ruwanchu chayqa, juchallikun.

Mañakunkichej chaypis, mana jap'inkichejchu, imaraykuchus mana allintachu mañakunkichej sajra kusikuykunapi usuchinaykichejpaj.

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Kunanqa, qankuna ninkichej: Kunanchus q'ayachus risunchej waj llajtaman, chaypitaj uj watata kamusunchej, qhatuspa qolqechamusunchej, nispa; mana yachaspa q'aya imachus kananta. Imataj kausayniykichejri? Cheqamanta urphu jina rikhurimun uj ratullapaj, chantá usqhayta chinkaripun.