Popular Bible Verses from SANTIAGO 3

Share

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

Qankunamanta mayqellampis yachayniyoj kanman chayqa, rikuchichun sumaj kausayninta, llamp'u sonqowan yachayninman jina.

Cheqan kajpa poqoynenqa, sonqo tiyakuypi tarpusqa, allin kausaypi kajkunapaj.

Maypichá qhawanaku tiyan, churanakupis, chaypeqa tukuy imaymana pejtu tiyan, sajra ruwaykunataj.

Kay kikin qallullawantaj yupaychanchej Señorninchej Dios Tatanchejta. Chayllawantaj maldicinchej runa masisninchejta. Runasqa Diospa rijch'ayninman jina ruwasqas kanku. Kikin simillamantataj llojsin Diosta yupaychanas, runasta maldicinas. Hermanosníy, kayqa mana jinachu kanan tiyan.

Qallurí uj nina, sajra imaswan junt'asqa. Qalloqa cuerpojta kaspa sajrata chimpachin, infierno kikintaj qalloqa jap'irichin, tukuy kausaynimpitaj larwachin.

Manataj pipis atinmanchu qalluta mansuyachiyta; imaraykuchus uj sajra mana mansuyachiy atina, wañuchintaj venenowan junt'asqa kaspa.

Hermanosníy, ama ashkhachu yachachejkuna kaychej. Yachankichej jina, astawan juchachasqas kananchej tiyan.