Popular Bible Verses from HEBREOS 9

Share

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Sichus chivospa, torospa yawarnin, waka uñaj ushphantajchus millay runakunaman ch'ajchusqa kaspa llimphuchan, aycha ch'uwachasqa kanampaj chayqa; may jinatawanrajchus Cristoj yawarnin, pichus wiñay Espiritunejta Diosman mana juchayoj qokuspa, concienciaykichejta llimphuchanqa, kausaj Diospa munayninta ruwanaykichejpaj.

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

Leyman jinataj, yaqha tukuy ima yawarwan pichakun. Yawar mana jich'akojtintaj, mana juchapis pampachakunchu.

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.