Popular Bible Verses from HEBREOS 12

Share

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman. Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Mana mayqen jasut'eqa, chay kikimpacha kusikunapaj jinachu, astawanqa llakikunapaj jina. Qhepamantaj, Diosqa chay ñak'arejkunaman k'acha cheqan poqoyninta qopun.

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Yuyarikuychej Jesusmanta, pichus juchasapaspa chay chhika jasut'isqankuta ñak'arerqa ama llauchhuyaspa sayk'unaykichejpaj.

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

Ñak'arinkichej chayqa, Dios wawasninta jina qhawasonqachej. Ima wawataj kanman, pitachu tatan mana jasut'inmanchu chayri?

Diosninchejqa q'olaj ninaj larwaynin.

Cheqamanta tatasninchejqa pisi p'unchaykunapaj, yuyayninkuman jina wanachiwaj kanchej; paytajrí, allinninchejpaj ruwan Diospa llimphu kayninmanta, chayaqeyoj kananchejpaj.

Manaraj yawarta t'akanaykichejkamachu juchaj contrampi sayaykukorqankichej.