Popular Bible Verses from COLOSENSES 1

Share

Dios, laqhaj atiyninmanta orqhospa, munasqa Churimpa reinonman pusawarqanchej.

Paypi tukuy ima ruwasqa karqa patapi kajkuna, jallp'api kajkunapis; mana rikukojkuna, sut'ipi kajkunapis. Jinallataj tronospis, qhapaj suyuspis, kuraj kamachejkunapis, atiyniyojkunapis. Ajina tukuy ima ruwasqa karqa, paynejta paypajtaj.

Cristoqa karqapuni manaraj imapis kashajtin. Paytaj tukuy imata sayachishan.

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

Chayrayku noqaykoqa qankunamanta uyarisqaykumantapacha, mana saqeykuchu Diosmanta mañakuyta, Diospa munayninta rejsispa junt'a kanaykichejpaj tukuy laya yachaywan, espiritupi unanchaywampis. Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.