Popular Bible Verses from 2 TESALONICENSES 2

Share

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

Noqaykoqa qankunamanta Diosman graciasta qonaykupuni tiyan, Señorpi munasqa hermanosníy, imaraykuchus Diosqa qankunata qallariymantapacha ajllasorqachej salvaciompaj, Espíritoj llimphuchaynimpi, cheqa kaj fepitaj.

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku. Pay sonqoykichejta kallpachachun. Tukuy ima allin parlaypi, ruwaypi ima sinch'ita qankunata sayachichun.

Chayrayku, Diosqa paykunaman pantachej atiyta apachimun, llulla kajta creenankupaj.

Jaqay sajra runaj jamuynenqa, Satanaspa ruwayninwan kanqa, tukuy atiywan, jatuchaj rikuchinaswan, llulla milagroswan ima, tukuy ima llullakuywan wañuyman rejkunapaj; imaraykuchus chay runasqa cheqa kaj munakuyta mana jap'erqankuchu, salvasqas kanankupaj.

Chay pakasqa sajra ateyqa, ñapis llank'ashanña; payqa suyashan jark'ajqa chaupinmanta orqhosqa kanallanta.