Mi̍ Mɛ̄lɛ̄ka̍ hīāū lāchī a̍ sūɛ̍i̍, mbo̍ dīmūl Mūu̍sē āā, “Di̍mu̍l wa᷅ŋnda̍ I̍sɔ̄lūɛ̄ī mā hīŋ a̍ chūɛ̄īmā ɔ̄li̍fīi̍mā kɛ̍ndɛ̄ kɛ̍ndīa̍ŋ nāa̍ nūm chu̍a̍, le̍ dɔ̄wɔ̄ɔ̍ o̍ la̍mbūi̍yo̍ ni᷄ŋ, mbō wa̍ sānde̍i̍ īchɔ̄l o̍ īchɔ̄l. La̍mbūi̍yo̍ ho̍ō, ō nɔ̄ mbō wa᷄ ō kɛ̄sīāā o̍ kōla̍ cho̍ ō lāndāā o̍ tɛ̍ndīi̍yo̍ ho̍ō ni᷄ŋ o̍ kɔ̍fū kpe̍ma̍a̍ lāchī wo̍ kɔ̄ɔ̄lī. Ndu̍yɛ̍, E̍lɔ̄ŋ nda̍ pūa̍a̍ ndūa̍a̍ nda̍ nɔ̍ ni̍ mā wa᷄ la̍mbūi̍yo̍ ho̍ō mɛ̄ndūllo̍ ya̍ Mɛ̄lɛ̄ka̍ lāchī mbō lɔ᷄l sānde̍i̍ ha̍a̍a̍ mī pāa̍le̍ŋ lē sɛ̄. Ndu̍yɛ̍, chɔ̍ŋ a̍ hāū mbō kūɛ̄ a̍ lāchī kɛ᷅, he̍ī ī nɔ̄ mī ī wa᷄ māā sāwā le̍ wāŋnda̍ I̍sɔ̄lūɛ̄ī a̍ yu̍ŋgu̍la̍ fu̍lā ni᷄ŋ o̍ nda̍ ni᷄ŋ nda̍ŋ kpo̍u̍.”